EAHA TE RAVEA IA HAAPEAPEA RAHI OE?
Te hoê oraraa haapeapea ore
E nehenehe te paari no ǒ mai i te Bibilia e tauturu ia tatou ia ore e haapeapea hanoa. Oia mau, eita tatou e nehenehe e faaore te mau mea atoa e haapeapea ˈi tatou. O te Atua poiete anaˈe râ te nehenehe. Ua maiti oia i te hoê taata no te tauturu ia tatou, o Iesu Mesia. I te fenua taatoa, fatata oia i te faatupu i te mau mea faahiahia aˈe i ta ˈna i rave i te taime a ora ˈi oia i te fenua nei. Ei hiˈoraa:
E FAAORA IESU I TE TAATA MAˈI MAI TA ˈNA I RAVE.
“Arataihia maira ia ˈna te feia ua rau to ratou maˈi . . . Faaora ihora oia i to ratou maˈi.”—MATAIO 4:24.
E HOROA IESU I TE FARE E TE MAA NA TE TAATA ATOA.
“E hamani ratou [te feia faaterehia e te Mesia] i te fare e e ora ratou i roto. E tanu ratou i te vine e e amu ratou i te hotu. Eita ratou e hamani i te fare ia parahi te tahi atu i roto, eita atoa ratou e tanu ia amu vetahi ê i te hotu.”—ISAIA 65:21, 22.
E HOPOI MAI TA IESU FAATERERAA I TE HAU E TE ATI ORE.
“E tupu ruperupe mai te feia parau-tia i to ˈna mau mahana. E rahi roa te hau e moˈe noa ˈtu te avaˈe. E faatere oia mai te tahi miti i te tahi atu e mai te Anavai e tae atu i te hopea o te fenua. . . . E mitimiti to ˈna mau enemi i te repo.”—SALAMO 72:7-9.
E HAAMOU ROA IESU I TE PARAU-TIA ORE.
“E aroha oia i te taata haihai e te veve, e e faaora oia i te feia veve. E faaora oia ia ratou i te haavîraa e te hamani-ino-raa.”—SALAMO 72:13, 14.
E HAAMOU ROA IESU I TE MAUIUI E TE POHE.
“E ore roa te pohe, e ore atoa te oto e te auê e te mauiui.”—APOKALUPO 21:4.