Te haapeapea rahi ra anei oe?

“E haapeapea pauroa te taata, no ˈu nei râ ua rahi roa ïa. E ere no te hoê noa fifi rahi, no e rave rahi râ tupuraa. Ua hepohepo roa vau no te mea mea maoro teie nei to ˈu haapao-noa-raa ta ˈu tane tei maˈihia i te pae tino e te pae feruriraa.”—Jill.a

“Ua faarue ta ˈu vahine ia ˈu, e na ˈu noa ïa e haapao ta mâua na tamarii e piti. E ere roa ˈtu i te mea ohie. Hau atu â, ua ere au i ta ˈu ohipa e aita ïa e moni no te tataî to ˈu pereoo. Aita vau e taa faahou eaha te rave e ua hepohepo roa vau. Ua ite au e ere i te mea tano ia haapohe ia ˈu, ua taparu râ vau i te Atua ia ore au e mauiui faahou.”—Barry.