Ua ite anei outou?
(Tei roto te mau pahonoraa i teie mau uiraa i te mau irava Bibilia i faahitihia, e te horoahia ra te mau pahonoraa atoa i te api 27. Te vai ra te tahi atu haamaramaramaraa i roto i te buka ra “Auxiliaire pour une meilleure intelligence de la Bible,” neneihia e te Watchtower Bible and Tract Society of New York, Inc.)
1. Teihea Miti no Galilea tei mairi-atoa-hia i te iˈoa o te hoê oire i te pae tahatai tooa o te râ? (Ioane 6:1; 21:1)
2. Ihea to na 200 o na taata aro e 600 a Davida faaearaa no to ratou rohirohi rahi i to ratou tapaparaa i te mau ati Amaleka o tei haru hoi i na vahine e piti a Davida? (Samuela 1, 30:9, 10)
3. Eaha ta Rahaba i rave no te tapuni i na taata hiˈo ati Iseraela e piti? (Iosua 2:6)
4. Eaha ta Paulo i parau o te tauturu hoi i te mau Kerisetiano ia “pǔpǔ i te Atua i te hoê taviniraa moˈa ma te auhia mai”? (Hebera 12:28, MN)
5. Ia au i te Ture a Mose, eaha te tia i te hoê fatu ia rave mai te peu e eita ta ˈna tavini e hinaaro ia tiamâ mai oia? (Exodo 21:6)
6. Eaha te oire no Edoma tei riro mai ei pu tuiroo no te paari? (Ieremia 49:7)
7. Eaha te raau i ravehia no te hamani i te mau opani o te vahi Moˈa Roa o te hiero a Solomona? (Te mau arii 1, 6:31-33, MN)
8. Ia au i te Maseli 6:17-19, eaha na mea e hitu au-ore-hia e Iehova?
9. Eaha te reta hopea o te piapa Hebera? (Salamo 119:169, parau faaomuaraa)
10. Ia au i ta Paulo i parau, eaha te tupu i nia i te feia e ueue ma te faaherehere, e te feia e ueue ma te faaherehere ore? (Korinetia 2, 9:6)
11. I to ˈna aaraa ˈtu ia Iehova ia tatara oia i ta ˈna mau haamaitairaa i nia ia Ioba, eaha ta Satani i faahua parau no nia ia Ioba? (Ioba 1:11)
12. Eaha te tupu i nia i “te iˈoa o te taata paieti ore ra”? (Maseli 10:7)
13. I to Iesu tamâraa i na lepera hoê ahuru, ehia o ratou tei ore i haamauruuru? (Luka 17:17)
14. Ua mairi te patu o Ieriko i raro i muri aˈe i to te mau ati Iseraela raveraa i te aha? (Iosua 6:5)
15. Eaha te mau faatureraa i horoahia i te mau ati Iseraela ra o te ite noa ˈtu i te hoê ofaaraa manu? (Deuteronomi 22:6, 7)
16. No te aha o Iehova i horoa ˈi i te haamaitairaa taa ê na te mau ati Iseraela? (Isaia 41:8)
17. Ehia huiarii i tavini na ei feia aˈo no te Arii ra o Ahasueru, e ua farii hoi ratou i te haavaraa i nia i te Arii vahine ra o Vaseti? (Esetera 1:14)
18. Te hoê tusia o ta te taata haamori e pûpû taatoa na Iehova. (Levitiko 1:4)
19. Eaha na ohipa e piti ta Paulo i parau e e tia i te hoê taata ia rave ia ora hoi oia? (Roma 10:9)
20. Ehia maororaa to Solomona paturaa i te hiero? (Te mau arii 1, 6:1, 38)
21. No te haaparuparu i te hoê enemi i haruhia i mutaa ihora, eaha tei ravehia na i te tahi mau taime? (Te mau tavana 1:6)
22. Ihea to Mose tuuraa na mua i na pǎpǎ ofai o te Ture? (Deuteronomi 10:1-5)
23. Teihea buka o te Bibilia e faatia ra na mua i te mau ohipa a Petero e a Paulo?
24. O vai te iˈoa o te tavini tamahine, o tei oaoa hoi i te faarooraa i te reo o Petero, i horo e faaite ia vetahi ê e tei te uputa o Petero, ma te ore e iriti i te opani? (Ohipa 12:13, 14)
Pahonoraa i te mau uiraa
1. Te Miti no Tiberia
2. I te pape ra o Besora
3. Te lino
4. “Te mǎtaˈu i te Atua e te tura”
5. “E tui i to ˈna tariˈa e puta ˈtu i te hoê tui”
6. O Temani
7. Te raau hinu
8. “O te mata teitei, te arero haavare, e te rima i manii ai te toto hara ore ra; o te aau i opua i te parau ino ra; e te avae e horo oioi e rave i te ino; te ite haavare, e parau i te parau haavare ra, e o tei faatupu i te mârô i roto i te mau taeae ra”
9. Tau
10. E ooti ratou ia au i ta ratou i ueue
11. E faaino oia ia Iehova i mua i to ˈna aro
12. E tahuti ïa
13. E iva
14. Umereraa
15. E nehenehe ratou e rave i te fanauˈa, eiaha râ te maiaa
16. E ‘huaai ratou no Aberahama,’ te hoa o Iehova
17. E hitu
18. Te hoê tusia taauahi
19. E tia i te hoê taata ia faaite i mua i te taata e o Iesu te Fatu e ia faatupu i te faaroo e ua faatia te Atua ia Iesu mai te pohe mai
20. E hitu matahiti
21. E tâpûhia to ˈna na pue rimarima rarahi e na manimani avae rarahi
22. I roto i te hoê afata e sitima te raau
23. Te Ohipa
24. O Roda