Ua ite anei outou?

(Tei roto te mau pahonoraa i teie mau uiraa i te mau irava Bibilia i faahitihia, e te horoahia ra te mau pahonoraa atoa i te api 27. Te vai ra te tahi atu haamaramaramaraa i roto i te buka ra “Auxiliaire pour une meilleure intelligence de la Bible,” neneihia e te Watchtower Bible and Tract Society of New York, Inc.)

1. O vai tei ‘pii noa ma te oaoa’ i to te Atua ‘tuuraa i te ofai tihi’ o te fenua? (Ioba 38:4-7)

2. Eaha te ore roa e tupu i nia i te Basileia o te Atua? (Daniela 2:44)

3. Ma te faaau ia ˈna i te aha to Davida faaiteraa ia Saula e e ere roa ˈtu i te mea faufaa ia auau Saula ia ˈna? (Samuela 1, 24:14)

4. Ua ninii te hitu o te melahi i ta ˈna aˈua o te riri o te Atua i nia i te aha? (Apokalupo 16:17)

5. No te aha i piihia ˈi te huaai a Iakoba e Iseraela? (Genese 32:28)

6. Eaha te pape o te fenua o te rahi roa te miti i roto? (Hiˈo Genese 14:3.)

7. No te aha te mau Kerisetiano i faaitoitohia ˈi ia pure no “te hui arii, e te feia mana atoa ra”? (Timoteo 1, 2:1, 2)

8. Eaha te parau Sema ta Iesu i faaohipa i to ˈna faaoraraa i te hoê taata turi e te vava? (Mareko 7:34, MN)

9. Ihea Iesu i te faatupuraa i ta ˈna semeio matamua? (Ioane 2:11)

10. Eaha te tahi atu iˈoa i horoahia no Esau? (Genese 36:1)

11. Eaha te animala ta Iesu i faaohipa i roto i te hoê faahohoˈaraa no te faaite i to ˈna hinaaro i te haaputu ia Ierusalema aau etaeta? (Luka 13:34)

12. Eaha te taoˈa e faaohipahia no te faaoˈi i te mau tauihaa hamanihia e te hoê â taoˈa? (Maseli 27:17)

13. Ihea te aposetolo Ioane i te ite-orama-raa i te Arenio e na 144 000 i te tiaraa? (Apokalupo 14:1)

14. O vai ma tei tuu atu i te uiraa faufaa roa no nia i te peritomeraa i te feia e ere i te ati Iuda i mua i te tino aratai i Ierusalema? (Ohipa 15:2)

15. Eaha te oire pu no te basileia o na opu hoê ahuru no Iseraela apatoerau? (Te mau arii 1, 16:29)

16. Eaha te numera o “te puaa [“taehae,” MN]”? (Apokalupo 13:18)

17. No te aha te arii vahine o Seba i haere atu ai i Ierusalema? (Te mau arii 1, 10:4)

18. O vai te arii ati Iuda itoito roa no te haamoriraa viivii ore o te faaere i to ˈna tupuna vahine i to ˈna tiaraa i roto i te basileia no te mea ua hamani oia i te hoê “idolo faufau”? (Te mau arii 1, 15:13)

19. Ua ninii te piti o te melahi i ta ˈna aˈua o te riri o te Atua i roto i te aha? (Apokalupo 16:3)

20. O vai te arii ino o Iseraela i faatae i te utua taehae i nia ia Tephesa? (Te mau arii 2, 15:16)

21. Ua matauhia i te maoˈa i teihea mauhaa tamaˈi? (Iosua 8:18)

22. Eaha te iˈoa i horoahia i te avaˈe Etanima i muri aˈe i te hopoi-tîtî-raa i Babulonia?

Pahonoraa i te mau uiraa

1. Mau tamarii melahi a te Atua

2. “E mou”

3. “Te tutuˈa”

4. Te reva

5. No te mea ua taui te Atua i to ˈna iˈoa ei Iseraela

6. Te Miti Pohe

7. “Ia parahi hauti-ore-hia tatou ma te hau”

8. Ephata (oia hoi “e araara”)

9. Kana

10. Edoma

11. Te moa

12. Auri

13. I nia i te Mouˈa o Siona i nia i te raˈi

14. Paulo e o Baranaba

15. Samaria

16. 666

17. No te faaroo i te paari o Solomona

18. Asa

19. Te tai

20. Menahema

21. Te mahae

22. Tishri