Ua ite anei outou?
(Tei roto te mau pahonoraa i teie mau uiraa i te mau irava Bibilia i faahitihia, e te horoahia ra te mau pahonoraa atoa i te api 30. Te vai ra te tahi atu haamaramaramaraa i roto i te buka ra “Auxiliaire pour une meilleure intelligence de la Bible,” neneihia e te Watchtower Bible and Tract Society of New York, Inc.)
1. Noa ˈtu e ua faatia o Iehova i to ˈna mau enemi ia haapau i to ˈna nunaa a taiva ˈi ratou, no te aha oia i tahoo ai i muri iho i teie mau nunaa? (Deuteronomi 32:27; Isaia 64:2; Nahuma 1:2)
2. O vai te iˈoa ta Rahela i mairi i nia i te piti o ta ˈna tamaiti a fatata ˈi oia i te pohe i to ˈna fanauraa? (Genese 35:18)
3. I to Paulo faaauraa i te mau mauhaa kerisetiano i te pae varua e te mau mauhaa o te hoê tamaˈi i te pae tino, ua faahohoˈa oia te faaroo i te aha? (Ephesia 6:16)
4. I to Davida tapuniraa i te Arii ra o Saula, ua haere oia i teihea arii ra no te imi i te haapuraa? (Samuela 1, 27:2)
5. Ua tǎpǔ te Diabolo ia Iesu i te mau basileia atoa o te fenua ei faahoˈiraa no teihea ohipa? (Luka 4:5-7)
6. Eaha te ohipa ta Phinehasa i rave oioi, i ore ai te ati o tei haapohe 24 000 ati Iseraela? (Numera 25:7-9)
7. Eaha ta Ioba i parau no te faaite e ua ora mai oia i te pohe ma te taoˈa ore? (Ioba 19:20)
8. E faaô-pinepine-hia te ivori i roto i teihea raau ereere? (Ezekiela 27:15)
9. No te aha te arii ra o Tigelata-pilesera no Asura i haru ai ia Arama, i haapau ai ia Damaseko, e i hopoi ai i te mau taata ei tîtî i Kira? (Te mau arii 2, 16:7-9)
10. I muri aˈe i to ˈna faarooraa e ua pohe ta ˈna tamaiti matahiapo ta Bate-Seba i fanau, eaha ta Davida i rave o tei haamaere i ta ˈna mau tavini? (Samuela 2, 12:21)
11. Eaha “to te tino nei lamepa” o ta Iesu i parau? (Mataio 6:22)
12. Mea nafea to Iehova parauraa e na ˈna e aratai ia Goga ia faatupu i ta ˈna aroraa hopea i nia i te nunaa o te Atua? (Ezekiela 38:4)
13. Ua mârô o Mihaela, te melahi rahi, e te Diabolo i nia i to vai tino? (Iuda 9)
14. Eaha te raau tupu ta te Atua i faatupu ei tamǎrǔ no te peropheta ra o Iona i muri aˈe i ta ˈna ohipa i faauehia e rave i Nineve? (Iona 4:6)
15. No to ˈna oaoa rahi i to Esetera riroraa mai ei arii vahine na ˈna, eaha ta Ahasueru i tuu atu i te mau mataeinaa? (Esetera 2:18)
16. O vai tei faahepohia e tauturu i te amoraa i te pou haamauiuiraa o Iesu? (Luka 23:26)
17. O vai te tamarii a Iuda, aita hoi ana e tamaroa, o tei horoa i ta ˈna tamahine na to ˈna tavini Aiphiti ei vahine ia huaai-noa-hia oia? (Paraleipomeno 1, 2:34, 35)
18. Na mua ˈˈe o Rahela i pohe ai i to ˈna fanauraa mai, eaha ta to ˈna vahine faafanau i haapapu atu ia ˈna? (Genese 35:17)
19. Eaha tei faaohipahia no te faaneheneheraa ia Esetera e te mau vahine i pihai iho ia ˈna? (Esetera 2:12)
20. Na vai i faahiti i te parau e mono ia Iuda tei taiva? (Ohipa 1:15-22)
21. O vai te metua tane o Iezebela? (Te mau arii 1, 16:31)
22. O vai na taata toopiti ta Iehova i faaue e patu i te sekene? (Exodo 31:2, 6)
23. Eaha te aˈoraa ta Iesu i horoa no nia i rave-haapao-ore-raa i te mau horeo? (Mataio 5:37)
24. Eaha te raau tupu noˈanoˈa roa ta Iesu anaˈe e faahiti ra i roto i te Bibilia? (Mataio 23:23)
Pahonoraa i te mau uiraa
1. No to ˈna iˈoa moˈa—no te faahaehaa i taua mau nunaa teoteo e te faaahaaha ra
2. Benioni
3. Te paruru
4. Te Arii ra o Akisa no Gata
5. “Te tahopu [haamori] mai”
6. Ua patia oia i te tane e te vahine i ta ˈna mahae
7. “Ma tau iri niho anaˈe ra”
8. Ebeni
9. Ua peta te Arii ra o Ahaza no Iuda ia ˈna
10. Ua faaore oia i te haapae i te maa e ua tamaa
11. Te mata
12. Te matau i roto i to ˈna taa
13. Te tino o Mose
14. Te hoê kikiuna
15. Te mǎrû aore ra faaore i te utua
16. Simona no Kurene
17. Sesana
18. E fanauhia mai ta ˈna tamaiti e ora oia
19. Monoˈi mura e te mau raau noˈanoˈa
20. Petero
21. Eta-baala, te arii no Sidona
22. Bezaleela e Aholiaba
23. “Ia riro râ ta outou oia ei oia, e ta outou aita ei aita”
24. Mineta