Ua ite anei outou?
(Tei roto te mau pahonoraa i teie mau uiraa i te mau irava Bibilia i faahitihia, e te horoahia ra te mau pahonoraa atoa i te api 30. Te vai ra te tahi atu haamaramaramaraa i roto i te buka ra “Auxiliaire pour une meilleure intelligence de la Bible,” neneihia e te Watchtower Bible and Tract Society of New York, Inc.)
1. Mea na roto i teihea ravea to te Atua hamaniraa i te ao o te reva materia? (Genese 1:2)
2. Ua horoa mai Iehova i te mau tiarama i roto i te raˈi no teihea tumu? (A hiˈo i te Genese 1:14.)
3. Eaha ta te mau tavini o Senakeriba i tiaturi i te faatupu i to ratou pii-hua-raa ˈtu i te mau ati Iuda i nia i te patu o Ierusalema e na roto i te reo ati Iuda iho? (Paraleipomeno 2, 32:18)
4. Eaha te tauihaa no te faaapu i faaohipahia i mutaa iho no te utaru i te tataramoa? (Isaia 7:25)
5. Eaha te iˈoa o te pute iti faanehenehehia, to roto te Urima e te Tumina, o ta te tahuˈa rahi e tuu i nia i to ˈna ouma ia tomo oia i roto i te vahi Moˈa ra? (Exodo 28:29, 30)
6. Ia au i te ture a te Atua, ehia aˈe rahiraa ite e titauhia no te haapapu i te hoê tupuraa? (Hebera 10:28)
7. O vai te iˈoa o te faehau ati Iseraela o tei taparahi ia Lahimi, te taeae o Golia? (Paraleipomeno 1, 20:5)
8. O vai te tahuˈa rahi tei faaue ia haapohe i te Arii vahine ino ra o Atalia? (Te mau arii 2, 11:15, 16)
9. Teihea tamaiti a Iakoba e te auraa o to ˈna iˈoa e “Tiaa” aore ra “Manuïa” ïa, ia au i te pii a Lea i to ˈna fanauraahia mai? (Genese 30:11)
10. Ua patu o Solomona i te hiero o Iehova i nia i teihea mouˈa ofafai? (Paraleipomeno 2, 3:1)
11. Eaha te auraa o te tiaraa iˈoa o Iesu ra “Mesia”? (Ohipa 4:26)
12. Eaha te ohipa ta Iesu i parau te tia ia ravehia no “te tomo na te uputa pirihao”? (Luka 13:24)
13. Eaha te iˈoa i horoahia no te poieteraa hopea a te Atua i nia i te fenua, o tei faahitihia i roto i te Bibilia? (Genese 3:20)
14. I mutaa iho, eaha ta te Atua i parau no nia i te mafatu o te taata? (Genese 8:21)
15. Te tamahine a teihea arii no Midiana tei haapohehia e Phinehasa, o tei faaore i te ati a te Atua i nia ia Iseraela? (Numera 25:15)
16. Eaha ta te vahine a Davida ra o Mikala i faaohipa no te haavare i te mau vea ta Saula i tono no te haapohe ia Davida? (Samuela 1, 19:11-16)
17. Ua ninii te toohitu o te melahi i ta ˈna aˈua o te riri o te Atua i roto i te aha? (Apokalupo 16:17)
18. Eaha te taˈo i faaohipahia i roto i te Bibilia no te faataa i te feia e ere i te mau ati Iseraela tumu? (Ezera 10:2)
19. O vai te tamarii a Iuda, aita ana e tamaiti, o tei horoa i ta ˈna tamahine na ta ˈna tavini ra o Iara ia huaaihia oia? (Paraleipomeno 1, 2:34, 35)
20. Eaha te tumu o Uza i faatoro ai i to ˈna rima e tapea i te afata o te faufaa, a utahia ˈi oia? (Paraleipomeno 1, 13:9, 10)
21. Eaha te buka hoê o te Bibilia e faatia anaˈe ra i te hopoia a te hoê peropheta ia faaite i te hoê poroi faautuaraa i nia i te hoê oire e ere i to te ati Iuda?
22. Eaha te ore roa e tia i te Atua ia rave? (Hebera 6:18)
23. Ia horoa Iehova i te haamaitairaa, eaha ta ˈna e ore e apiti atu? (Maseli 10:22)
24. Eaha te mau taoˈa ta Davida i rave i te hiti upoo o Saula ra a taoto noa ˈi o Saula, no te haapapu e e ore roa o ˈna e hamani ino ia ˈna? (Samuela 1, 26:12)
25. Eaha ta Iesu i rave ia ore oia e pehihia i te ofai? (Ioane 8:59)
Pahonoraa i te mau uiraa
1. To ˈna varua, aore ra puai ohipa
2. Kalena
3. E haamǎtaˈu e e faaahoaho ia ratou
4. Tapahi repo
5. Tapoi ouma
6. Piti
7. Elehana
8. Iehoiada
9. Gada
10. Mouˈa Moria
11. Faatahinuhia aore ra faatavaihia
12. “E faaitoito hua”
13. Eva
14. ‘Ino mai to ˈna tamariiriiraa mai â’
15. Zura
16. Te teraphi e te ahu huruhuru puaaniho
17. Te reva
18. Ěê
19. Sesana
20. Ua mehameha na puaatoro e fatata te afata i te tahuri
21. Te buka a Iona
22. Haavare
23. Ino
24. Te mahae e te hue pape
25. Ua haamoe oia