Te tahi mau tauturu no te arai i te mauiui tua

[Tumu parau tarenihia i te api 30]

☞ A ape i te amo oioi, i te amo taue i te tahi mea. Maoti i te amo ma te piˈo, a opi i to outou turi avae a amo atu ai.

☞ A ani i te tauturu no te amo i te mau tauihaa teiaha.

☞ No te amo e rave rahi tauihaa, a faaaifaito te teiaha i na pae e piti. Mai te peu e amohia i te hoê tauihaa teiaha, a amo e na rima e piti i mua. Mai te peu e amo-taaoao-hia a tauiui noa ïa i te pae.

☞ No te ratere, a faaohipa i te mauhaa amo tauihaa e nehenehe e tufetuhia e/aore ra te tauihaa maraa noa i te amo i nia i te tapono

☞ No te amo i te mau tauihaa i rapae i te pereoo, a tapiri i te mau tauihaa i pihaiiho i te tino a amo atu ai

☞ No te purumu, a rave i te hoê purumu aufau roa. Na mua ˈˈe i te piˈo no te purumu i raro aˈe te mau tauihaa, a tuturi i nia te hoê turi ma te faaohipa i te tamǎrû turi. Mai te peu e tia e ia piˈo outou, a faaohipa i te hoê rima no te turu ia outou i nia i te hoê taoˈa.

☞ No te ohipa i te piha ohipa, a faatano i te teitei o te parahiraa i nia i te teitei o te iri papairaa

☞ A tuturi i raro no te utaru, e a faaiti i te mau tuhaa ohipa. No te tia, eiaha e haapiˈo i te tino

☞ A tamau i te rave te mau faaetaetaraa tino no te tua noa ˈtu e 10, 15 anaˈe minuti i te mahana. A faaohipa te mau faaetaetaraa tino tano noa mai te peu e ua paari outou.

☞ No te faaineine i te mau roˈi no te taotoraa, a tuu i te hoê turi i nia i te roˈi, e a turu i to outou tino e te tahi rima. No te oomo i tapoi roˈi a tuturi i nia i te tahua i na pae e piti o te roˈi.

☞ No te hoê tere atea na nia i te pereoo, a tapea e a faafaaea i te tahi vahi no te haamâha i te rohirohi. Mai te peu e ere te turuiraa o te parahiraa pereoo i te mea mǎrû, a tuu i te hoê turua i muri mai i to outou tua no te faatano maitai

☞ Eiaha e horohoro na nia i te mau vahi paari. A oomo i te mau tiaa e au no te faaetaetaraa tino.

☞ A rave i te hoê turua aore ra i te hoê taoˈa turu no te tua no te parahi i nia i te sofa. A tia mǎrû noa, a faaohipa i to outou avae no te faatia ia outou.

☞ Mai te peu e parahi outou i te tahi tau hora i te ohipa, a rave i te hoê parahiraa o te turu maitai i te tua. Ia tiatia i te tahi taime, e a hahaere rii.

☞ Eiaha e piˈo maoro no te imi i te tahi parau i roto i te afata vairaa, a parahi râ ia nehenehe outou.

☞ Mai te peu e oomo outou i te tiaa poro teitei i te mahana taatoa, a rave atoa i te tiaa au maitai no te tauiui i te tahi taime.