Ia au i te Bibilia

E tia anei ia faautua i te peu mahu?

“Ia manaˈo vau eita te Atua e haapeapea maira i ta tatou huru hiˈoraa i to tatou taatiraa i te pae tino. Te haapeapea maira râ oia no nia i to tatou huru faaohiparaa i to tatou oraraa; e tumu parau taa ê teie parau no te melo taatiraa.” — Te hoê melo o te hoê taatiraa mahu no te tuatapaparaa i te Bibilia.

TE FAARIRO nei e rave rahi mau taata no to tatou nei tau i te peu mahu mai te hoê huru oraraa taa ê. Eaha ra hoi te manaˈo o te Atua?

A taui noa ˈi te rahiraa o te taata i ta ratou huru hiˈoraa i te mau mea, e a ore ai vetahi pae e ite e eaha te manaˈo tano, mea maramarama roa te manaˈo bibilia. Teie hoi ta te mau Papai e parau ra: “Eiaha oe e rave i te tane mai te rave i te vahine ra: e mea faufau roa ïa.” (Levitiko 18:22). Aita e hororaa, mea maramarama maitai: e ohipa faufau mau te peu mahu i mua i te aro o te Atuaa. I Iseraela tahito ra, e faautua na te Ture a mose i te taata e rave i teie nei peu i te utua pohe (Levitiko 20:13). I muri aˈe atoa te haamauraahia te kerisetianoraa, ua tamau â te Atua i te faautua i te peu mahu. — Korinetia 1, 6:9, 10.

No te aha hoi taua peu ra e faautuahia e te Atua?

No te aha te Atua e faautua papu ai i te peu mahu? Te horoa maira te Isaia 48:17 i te hoê tumu i te na ôraa e: “O vau to Atua ra, o Iehova; o tei faaite ia oe i te mea e maitai ai oe ra; o tei aratai ia oe na te eˈatia maitai ia haere oe ra.” Na te Tumu iho o te mau ture o te natura i roto i te ao nei i faahiti i teie mau parau. Ua ite maitai o ˈna i to tatou huru i te pae tino, i te pae feruriraa, i te pae no te mau manaˈo hohonu e i te pae varua. Mai te peu e e faautua oia i te peu mahu, no te mea ïa e faaino te reira i te taata, e ta te hoê tuatapaparaa ïa i te episetole a te aposetolo Paulo i te mau kerisetiano no Roma e haapapu ra. Teie hoi ta ˈna i papai:

“No reira te Atua i tuu noa ˈtu ai ia ratou i te mau hinaaro faufau ra; na ta ratou mau vahine hoi i ruri ê i te mea mau ra i te mea au ore. E te mau tane atoa hoi, faarue atura i te mea mau ra i te vahine, tupu atura to ratou hinaaro ratou ratou iho; e tane e e tane, i te raveraa i te mea haama ra, e te noaaraa te hoo i roto ia ratou iho i tei au i ta ratou ra hapa. E o ratou aore i hinaaro i te tapea i te Atua ma te ite atu, ua tuu noa ˈtura te Atua ia ratou i to ratou aau au ore ra, ia rave noa na ratou i te mau mea tia ore ra.” — Roma 1:26-28.

E tapao maira tatou e aita te peu mahu e faaitehia maira mai te hoê noa peu ‘haama’, ‘faufau’ e “[o te ore hoi e tano]”, mai te hoê râ peu “[aita e tano i te natura]”. Teie te hoê parau no roto mai i te Ekalesia anglicane no nia i taua mau irava ra: “Ta Paulo e hinaaro ra e parau na roto i te parau ra ‘aita e tano i te natura’ ‘aita roa ˈtu ïa e tano ra i te natura’ no te mau taata, i roto i te hohoˈa o te poieteraa a te Atua. Mea taa ê roa hoi te mau haerea mahu atoa ia au maite i te opuaraa a te Atua i te tau oia i poietehia ˈi.” Teie te faataaraa ta te taata tuatapapa i te parau no nia i te taata o Weston LaBarre i horoa no nia i te peu mahu: “Te atea-ê-raa ïa i te naturaa iho o te taata e to vetahi ê.” E tano maitai taua faataaraa nei i te auraa o te parau heleni i faaohipahia i roto i te Bibilia e i hurihia i te parau ra “natura” aore ra “ia au maite i te natura”.

Eita ˈtura ïa e maerehia ia faatupu mai “te mau mea taa ê atoa ia au maite i te opuaraa i haamauhia e te Atua a poiete ai oia” i te mau hotu ino, mai ta te mau faahopearaa ino ta te taata i faatupu i nia i te natura iho e haapapu maira. ‘Te noaa nei [i te mau mahu] te hoo i roto ia ratou iho i tei au i ta ratou ra hapa’. Oia hoi te auraa, to ratou oraraa, te atea-ê-roa-raa ïa i te naturaraa to ratou taatiraa i te pae tino; no reira ˈtura hoi ratou i erehia ˈi i te haamaitairaa a te Atua. Hau atu, e nehenehe ta ratou mau peu faufau i te pae tino e faaino i to ratou iho tinob.

Mau hotu ino mau

Te parau atoa ra o Paulo e ‘e tupu te hinaaro [i te parau mau ra, e ama] [o te mau mahu] ratou ratou iho’. Mai te peu e e nehenehe te mau manaˈo hairiiri e faaara mai i te mau manaˈo ino i roto i te taata e ere i te mahu, mai te huru ra ïa e e faatupu mai te navenaveraa i te pae no te mau taatiraa i te pae tino aita hoi e au i te natura, i te hoê hinaaro viivii hau atu â i te puai. I raro aˈe i te upoo parau ra “Te mau fifi e noaa mai ia ora e piti huru oraraa i te pae no te herehere”, te parau ra te hoê tumu parau i papaihia i roto i te vea ra Newsweek e: “E pinepine te mau tane aore ra te mau vahine e taoto i te tane e i te vahine atoa i te faahiti i te parau no te ‘rahiraa’ te hinaaro i te pae taatiraa, no te ‘uˈanaraa taa ê e te hinaaro’ ta ratou e ite i roto i te mau taatiraa mahu. Te haamanaˈo ra o Jacques i te reira mai te ‘hoê huru navenave e aita ˈtu ai. Mea oaoa rahi mau â’.” Ma te uˈana te hinaaro mai teie te huru, e rave rahi mau mahu mea rahi to ratou hoa (te tahi taime e hia rahiraa hanere), e e faatupu na vetahi o ratou i te mau taatiraa i te pae tino e rave rahi taime i roto i te hoê noa mahana, noa ˈtu e e taoto ratou i te mau taata ta ratou i ore e matau. Eita noa teie huru taatiraa huru ê mau e faatupu mai i te mau maˈi e nehenehe e peehia, mai te hépatite; e faatupu atoa ra oia, mai te mau taatiraa tia ore i rotopu i te hoê tane e te hoê vahine, i te pohehae, i te huru papu ore e i te peapea.

Te taata e vaiiho ia ˈna ia faaterehia e “te hinaaro tia ore” e nehenehe ïa oia e riro ei tîtî no taua mea ra (Tesalonia 1, 4:5). I roto i tei hea ïa faito? Ma te faahiti i te parau no te SIDA, teie ta te hoê mahu i parau: “Noa ˈtu â ïa e e ite tatou i te hoê hopea peapea mau e te riaria hoi, e vai noa iho â te mau hinaaro i te pae taatiraa ei mau hinaaro puai mau.” Te faahaamanaˈo maira hoi teie mau parau ia tatou i te faaararaa bibilia i muri nei e na ô ra: “Eiaha ia vai hau te ino i roto i to outou na tino pohe noa, a faaroo hoi outou i te reira i to te tino ra hinaaro.” — Roma 6:12.

I te mea hoi e tei nia te huru viivii i te pae taatiraa i te mauraa i nia i te haamaharaa i to ˈna iho mau hinaaro, e pinepine te reira i te aratai i te taata ia rave i te tahi mau ohipa faufau. Ia au i te naturaraa taata hara, ia riro te hoê ohipa ei peu, e iti mai ïa te hinaaro ta ˈna e faatupu mai. No reira, te huri tia nei te mau mahu i nia i te haamauiuiraa i te taata ta ratou e taoto ra aore ra no nia i te tahi atu mau peu hairiiri roac. Te parau ra te hoê manaˈo no nia i te Bibilia e “e riro hoi taua mau hinaaro faufau e tei ore i tano i te natura (...) i te haaviivii i te feruriraa; i te tuu roa i te taata i nia i te hoê tiaraa i raro mai i te animala; i te faaore roa i te aroha aore ra i te here”. Te faatuati ra te hoê taata e tuatapapa i te auraa o te Bibilia i te peu mahu i te mau “peu taparahiraa taata, aita roa ˈtu hoi i tuea i te feruriraa, i te natura, i te maitai o te taata iho e i te maitai o vetahi ê”.

E faatupu te mau faaueraa tumu bibilia i te hau

E nehenehe tatou e haamauruuru i te Atua no te oreraa e taui i ta ˈna mau faaueraa tumu no te tahi noa mau hinaaro e morohi noa aore ra no te mau hinaaro hairiiri a te taata. Mai ta ˈna e ore e mauruuru i te viiviiraa o te fenua e te haavare no te mea e mea au roa na te rahiraa o te taata i taua mau peu ra, eita atoa o ˈna e tapo i to ˈna mata i nia i te peu mahu no te mea e te faariro nei te rahiraa o te taata i taua peu nei ei huru oraraa no ratou. Noa ˈtu eaha te huru haerea ta te taata e faateitei nei, te hinaaro nei Iehova e ia faahanahana tatou ia ˈna, e e riro mau hoi te reira ei maitai no tatou.

Auaˈa râ hoi, ua faarue o vetahi pae i taua mau peu nei e ua faaau atu ratou i to ratou oraraa i nia i “te parau ora nei” e vai ra i roto i te Parau a te Atua (Timoteo 1, 1:10; Korinetia 1, 6:9-11). Teie ta te hoê kerisetiano, i mutaa ihora e mahu, i parau: “Te mea e faaoaoa taa ê ia ˈu, ia noaa mai ia ˈu i te hoê haava manaˈo papu e ia ite atoa vau e te ora ra vau i te hoê oraraa e au mai ai te Atua Puai Hope ia ˈu.”

[Nota i raro i te api]