Te SIDA, te pâmuraa toto e te mau Ite no Iehova

“A tahi matahiti i teie nei, i mua i te fifi ia roohia i te SIDA na roto i te toto e te mau mea no roto mai i te toto, te mataˈu rahi noa ˈtura te mau taata i te ‘pâmuraa toto e au i te taviriraa rusia’. Aita te mau ravea maimiraa apî (o te horoa mai iho â i te mau tapao ‘aore hape’) no te ite i te feia i roohia i te SIDA, i horoa mai hoê aˈe haapapuraa e eita te tumu o te virus e tuuhia i roto i te mau fare vairaa toto. I te tahi pae, no te mea e horoa atoa mai taua ravea maimiraa ra i te tahi mau tapao ‘oia hape’, e nehenehe ïa te taata horoa i to ˈna toto e parauhia e e taata maˈi i te SIDA. E nehenehe teie huru faataa-ê-raa i te mau taata e haafifi i te oraraa i te pae totiare, te pae ohipa e te pae haapiiraa o te taata horoa toto oaoa ore. I te anotau o te matini aravihi, eita roa te mau tutavaraa e tapuni i te mau parau taa ê, e navai (...). Ua ite ratou [te feia maimi te tuatapa ra no nia i te SIDA] eaha te auraa e vai ra i rotopu i te SIDA e te mau fare vairaa toto o te fenua nei (...). Eita roa anei ratou e hinaaro e farii e, i teie nei, te turu maite ra te mau haapapuraa a te mau aivanaa i te tiaraa i te pae faaroo ravehia (...) e te mau Ite no Iehova no te patoi i te pâmuraa toto?” — Te taote o te utuafare fetii (beretane), vea a te mau taote no te feia hoo taoˈa, buka 9, n°5, na te taote Robert Mendelsohn.