Hiˈoraa i nia i te ao atoa nei

A hauti e te tamarii i roto i te opu

‘A hauti e ta outou tamarii na rapae atu i te opu, i te omuaraa roa o to outou hapûraa.’ Teie te aˈoraa a Frans Veldman, te hoê aivanaa no te fenua Hollande. Ua papai te vea heremani Selecta i te mau parau a teie taata tuatapapa tei parau e ia paraparauhia ˈtu e ia himenehia ˈtu i te hoê tamarii e hautiuti oia i roto i te opu o te metua vahine. Te parau nei o Veldman e ia titau te metua vahine i te tamarii ia hautiuti na roto i te fafaraa ia ˈna ma te here, e horo te tamarii i te vahi tei reira te rima. Te faaitoito atoa ra te vea i te metua tane ia hauti atoa e ta ˈna tamarii, ia rahi atu â te taairaa i rotopu ia ˈna e te tamarii.