Te Sire a Solomona

3 “I nia i to ˈu roˈi i te po,

Ua imi au i tei herehia e au.+

 2 E tia vau e e hahaere au na te oire.

Na te mau aroâ e na te mau mahora o te oire,

E imi au i tei herehia e au.

 4 No farerei noa ˈtu ra vau ia ratou

I ite atu ai au i tei herehia e au.

Tapii atura vau ia ˈna, e aita vau i hinaaro e tuu ia ˈna

E ia aratai roa vau ia ˈna i roto i te fare o to ˈu metua vahine,+

I roto i te piha o tei fanau mai ia ˈu.

 5 E faahoreo vau ia outou, e te mau tamahine o Ierusalema,

I te zabi e te aili o te uru raau:

 6 “Eaha tera e pee ra i nia na te medebara mai e hohoˈa i te au auahi rahi,

Faanoˈanoˈahia i te tapau mura e te tapau libano,

I te mau ueue noˈanoˈa atoa a te taata tapihoo?”+

Ati aˈe te reira, e 60 ïa tane puai

O te mau tane puai o Iseraela,+

 8 E ˈoˈe ta ratou pauroa,

Ua tehu pauroa i te tamaˈi.

E ˈoˈe ta ratou tataitahi i to ratou huha

No te faaruru i te mau mea riaria o te po.”

 9 “O te parahiraa* o te arii Solomona

Ta ˈna i hamani no ˈna i te mau tumu raau o Lebanona.+

10 Ua hamani oia i to ˈna mau pou i te ario,

To ˈna mau turuiraa i te auro.

E huruhuru mamoe vareau to ˈna parahiraa.

Ua faaunaunahia to ˈna rotoraa ma te here

E te mau tamahine o Ierusalema.”

11 “E te mau tamahine o Ziona, a haere

A hiˈo i te arii Solomona,

Tei nia iho i to ˈna upoo te hei faaipoiporaa* ta to ˈna metua vahine+ i hamani no ˈna

I te mahana o to ˈna faaipoiporaa,

I te mahana oaoaraa o to ˈna aau.”