Te Sire a Solomona
4 “Mea nehenehe mau â oe, ta ˈu here.
Mea nehenehe mau â oe.
To oe mata i muri mai i to oe puroˈu, mai to te uupa ïa.
To oe rouru, mai te hoê ïa nǎnǎ puaaniho
E haapou vitiviti mai ra na nia i te mau mouˈa o Gileada.+
2 To oe mau niho, mai te hoê ïa nǎnǎ mamoe no hahu-noa-hia mai ra,
O te haere mai ra i rapae i te pape i muri iho i te tamâraahia,
E maehaa to ratou pauroa,
E aita hoê i ere i ta ˈna fanauˈa.
3 E au to oe utu i te tahi taura uteute,
E mea au ta oe mau parau.
Mai te hoê tâpû remuna
To oe na papariˈa* i muri mai i to oe puroˈu.
4 E au to oe aˈî+ i te pare o Davida,+
Patuhia ei anairaa ofai
I nia iho i faatautauhia ˈi hoê tausani paruru,
Pauroa te paruru menemene a te mau tane puai.+
5 E au to oe tîtî i e piti aili apî,
Na maehaa a te hoê zabi,+
E amu haere ra i te aihere na rotopu i te mau lili.”
6 “Hou a puvaivai ai* e a pee ai te marumaru,
E haere au i te mouˈa o te tapau mura
E i te aivi o te tapau libano.”+
A pou mai nia mai i te tupuai mouˈa o Amana,*
Mai nia mai i te tupuai mouˈa o Senira, te tupuai mouˈa o Heremona,+
Mai te mau tapuniraa o te liona, mai te mau mouˈa o te nemera.
9 Ua riro to ˈu aau ia oe,+ to ˈu tuahine, ta ˈu vahine momoˈa,
Ua riro to ˈu aau ia oe i te hoê noa hiˈoraa mai,
I te hoê noa taoˈa faatautau o to oe fifi arapoa.
10 Mea au roa to oe herehereraa mai,+ to ˈu tuahine, ta ˈu vahine momoˈa!
Mea au aˈe to oe herehereraa mai i te uaina,+
E te noˈanoˈa o ta oe monoˈi i te mau faanoˈanoˈa atoa!+
11 Mai nia mai i to oe utu e topata mai te meri, ta ˈu vahine momoˈa.+
To raro aˈe te meri e te û i to oe arero,+
E te hauˈa o to oe ahu, mai te hauˈa ïa o Lebanona.
12 E au to ˈu tuahine, ta ˈu vahine momoˈa, i te hoê ô tei ponaohia,
E ô tei ponaohia, e puna tei tapoˈihia.
13 To oe mau amaamaa,* e paradaiso* ïa e tupu ai te mau tumu remuna
E te mau maa hotu monamona roa ˈˈe, te kaphara e te naradi,
14 te naradi+ e te tiare, te aeho noˈanoˈa+ e te kinamo,+
Pauroa te tumu raau tapau libano ua rau te huru, te mura e te aloe,+
E pauroa te raau tupu noˈanoˈa roa ˈˈe.+
16 A ara, e te mataˈi no apatoerau.
A haere mai, e te mataˈi no apatoa.
A puhi* i nia i ta ˈu ô.
Ia parare to ˈna noˈanoˈa.”
“Ia tomo ta ˈu hani i roto i ta ˈna ô
E ia amu i te mau maa hotu monamona roa ˈˈe.”