Salamo
71 E Iehova, ua imi au i te haapuraa ia oe ra.
Eiaha roa vau ia roohia i te haama.+
2 No to parau-tia, a faaora ia ˈu e a tauturu mai.
A fariu mai i to tariˈa* ia ˈu nei e a faaora ia ˈu.+
3 Ia riro oe no ˈu ei pare i nia i te hoê mato,
I reira vau e tomo atu ai i te mau taime atoa.
A horoa i te faaueraa ia faaora ia ˈu,
O oe hoi to ˈu mato e to ˈu haapuraa.+
4 To ˈu Atua e, a faaora ia ˈu i te rima o te taata ino,+
I te rima o te taata haavî e te parau-tia ore.
5 O oe hoi to ˈu tiaturiraa, e te Arii hau ê e Fatu ra o Iehova.
Te tiaturi nei au ia oe mai to ˈu apîraa mai â.+
6 Te turui nei au i nia ia oe mai te fanauraahia mai au.
Na oe i iriti mai ia ˈu i rapae i te opu o to ˈu metua vahine.+
Te arue tamau nei au ia oe.
7 Ua riro vau mai te hoê semeio no e rave rahi,
O oe râ to ˈu haapuraa etaeta.
10 Te faaino nei to ˈu mau enemi ia ˈu,
E te feia e imi ra i te rave i to ˈu ora, te opua ra ïa i te tahi ohipa+
11 A parau ai: “Ua faarue te Atua ia ˈna.
A tapapa ˈtu e a haru mai ia ˈna, aita hoi e taata no te faaora ia ˈna.”+
12 E te Atua e, eiaha e faaea i te atea ê ia ˈu.
To ˈu Atua e, a haaviti i te tauturu mai ia ˈu.+
Ia roohia te feia e imi ra i to ˈu ati
I te haama e ia faahaamahia.+
14 O vau râ, e tamau ïa vau i te tiai.
E faarahi atu â vau i ta ˈu arueraa ia oe.
15 E faatia to ˈu vaha i to parau-tia,+
Ta oe mau ohipa faaoraraa i te mahana taatoa,
Noa ˈtu mea rahi roa te reira no ˈu ia taio.+
16 E haere mai au e faatia i ta oe mau ohipa puai,
E te Arii hau ê e Fatu ra o Iehova.
E faaite au i to parau-tia, ta oe anaˈe.
17 E te Atua e, ua haapii mai oe ia ˈu mai to ˈu apîraa mai â,+
E tae roa mai i teie nei, te tamau noa ra vau i te faaite i ta oe mau ohipa faahiahia.+
18 Ia paari au e ia hinahinahia to ˈu upoo, e te Atua e, eiaha e faarue ia ˈu.+
19 Mea teitei ta oe mau ohipa parau-tia, e te Atua e,+
E ohipa rahi ta oe i rave.
E te Atua e, o vai mai ia oe?+
20 Noa ˈtu e no oe e faaruru ai au i te ahoaho e te ati e rave rahi,+
A horoa faahou mai i to ˈu puai.
A huti ia ˈu mai raro mai i te hohonuraa o te fenua.+
21 Ia faahoˈi mai oe i to ˈu hanahana,
Ia haaati e ia tamahanahana oe ia ˈu.
E himene au i te arueraa* ia oe i te kinura,
E Tei Moˈa o Iseraela.