Salamo

Na te aratai o te feia himene. Na Davida, ei haamanaˈoraa.

70 E te Atua e, a faaora ia ˈu.

E Iehova, a tauturu oioi mai ia ˈu.+

2 Ia haama e ia faahaamahia

Te feia o te imi ra i te rave i to ˈu ora.

Ia otohe ma te haama

Te feia o te oaoa ra i to ˈu ati.

3 Te feia o te faaooo ra ia ˈu a parau ai: “Tera ta oe!”

Ia otohe ratou no te haama.

4 Te feia râ e imi ra ia oe,

Ia oaoa e ia umere ratou ia oe.+

Ia parau noa te feia e hinaaro ra i ta oe mau ohipa faaoraraa:

“Ia faahanahanahia te Atua!”

5 Mea paruparu râ vau e mea veve.+

E te Atua e, a haa oioi no ˈu.+

O oe ta ˈu tauturu e to ˈu faaora.+

E Iehova, eiaha e faataere.+