Salamo

TE PURE RA DAVIDA IA POHE VAVE ATU TO ˈNA RA MAU ENEMI.

Na te Menasehe. Salamo na Davida ei manaˈoraa.

70 Ia ora vau ia oe, e te Atua, ia peepee, e Iehova, i te tauturu mai ia ˈu. 2 Ia haama ratou e ia hepohepo ratou atoa ra o tei titau mai ia ˈu nei ia pohe: i faahoˈihia ratou e ia hepohepo tei titau mai ia ˈu nei ia ino. 3 O te haama tei noaa ia ratou ei utua, o tei parau ia ˈu nei e, Aitoa! aitoa! 4 O te feia atoa ra i imi ia oe ra, e oaoa ïa ratou, e ia rearea ïa ia oe; e te feia i hinaaro i te ora na oe ra, e parau ïa ratou e, Ia faarahihia te Atua e a muri noa ˈtu.

5 Ua roohia vau nei e te ati e te veve, e haapeepee mai oe ia ˈu, e te Atua. O oe tau tauturu e tau ora; eiaha e faaroaroa, e Iehova.