Salamo

44 E te Atua e, ua faaroo matou i to matou iho tariˈa,

Ua faatia mai to matou mau tupuna ia matou,+

Te mau ohipa ta oe i rave i to ratou mau mahana,

I te mau mahana i tahito ra.

 2 I to rima ua tiahi oe i te tahi mau nunaa+

E ua haaparahi oe i to matou mau tupuna i reira.+

 3 E ere i ta ratou iho ˈoˈe i noaa ˈi ia ratou taua fenua ra,+

E ere atoa na to ratou rima i faaupootia ia ratou.+

Na to rima atau râ e to puai+ e te maramarama o to aro,

Ua mauruuru hoi oe ia ratou.+

 4 O oe to ˈu arii e te Atua e.+

A faaue* i te upootiaraa* rahi no Iakoba.

 5 Ma to puai, e faaotohe matou i to matou mau enemi.+

I to iˈoa, e taataahi matou i tei patoi ia matou.+

 6 Aita hoi au e tiaturi ra i ta ˈu fana,

E eita e haere i ta ˈu ˈoˈe ia faaora ia ˈu.+

 7 Na oe hoi i faaora ia matou i to matou mau enemi,+

Na oe i faahaama i te feia e hae ra ia matou.

 8 E arue matou i te Atua i te mahana taatoa,

E e haamaitai matou i to iˈoa e a muri noa ˈtu. (Sela)

 9 I teie nei râ, ua faarue e ua faahaama oe ia matou,

E aita oe e apee ra i ta matou mau nuu.

10 Te faaotohe ra oe ia matou i mua i to matou enemi.+

Te ohi ra te feia o te hae ra ia matou i te mau mea atoa ta ratou e hinaaro.

11 Te tuu nei oe ia matou ia amuhia matou mai te mamoe ra.

Ua haapurara oe ia matou i rotopu i te mau nunaa.+

12 Te hoo ra oe i to nunaa no aita rea e mea.+

Aita oe e apî ra i taua hooraa ra.*

13 Te faariro ra oe ia matou ei vahavaharaa na te feia e haaati ra ia matou.

Te faariro ra oe ia matou ei faaoooraa e ei ataraa na te feia ati aˈe ia matou.

14 Te faariro ra oe ia matou ei vahavaharaa* i rotopu i te mau nunaa,+

Ei mea e tairiiri ai te taata i to ratou upoo.

15 I te mahana taatoa, mai te mea ra e ua faahaamahia vau,

E ua poˈi roa vau i to ˈu haama,

16 No te maniania o ta ratou faaoooraa e faainoraa,

No to matou enemi o te tahoo ra.

17 Ua tupu pauroa te reira i nia ia matou, aita râ matou i haamoˈe ia oe,

E aita matou i ofati i ta oe faufaa.+

18 Aita to matou aau i hahi ê.

Aita to matou mau taahiraa avae i fariu ê i to eˈa.

19 Ua faahuˈahuˈa râ oe ia matou i te vahi e parahi ai te mau urî taehae.

Ua tapoˈi oe ia matou i te marumaru rahi.

20 Ia moˈe ia matou te iˈoa o to matou Atua

Aore ra ia faateitei matou i to matou rima no te pure i te hoê atua ê,

21 Eita anei te Atua e ite i te reira?

22 No oe matou e faaruru ai i te pohe i te roaraa o te mahana,

E ua riro matou mai te mamoe ra i faataahia no te tupairaa.+

25 Ua hurihia hoi matou i raro i te repo.

Tei raro to matou tino i te repo.+