Salamo

43 A haava ia ˈu, e te Atua e,+

A paruru ia ˈu i roto i ta ˈu haavaraa+ e te hoê nunaa taiva.

A faaora ia ˈu i te taata haavare ra e te parau-tia ore.

2 O oe hoi to ˈu Atua, to ˈu haapuraa.+

Eaha oe i faarue ai ia ˈu?

Eaha vau e hahaere ai ma te oto no te haavîraa a to ˈu enemi?+

3 A tono i to maramarama e to parau mau.+

Ia aratai te reira ia ˈu.+

Ia aratai te reira ia ˈu i to oe ra mouˈa moˈa e i to sekene hanahana.+

4 E haere mai ïa vau i te fata o te Atua,+

I te Atua ra, to ˈu oaoa hau ê.

E e arue au ia oe i te kinura,+ e te Atua e, to ˈu Atua.

5 Eaha vau e toaruaru ai?

No te aha teie mauiui i roto ia ˈu?

E tiai au i te Atua,+

E arue faahou hoi au ia ˈna, o ˈna to ˈu Faaora rahi e to ˈu Atua.+