Salamo
BUKA PITI
(Salamo 42-72)
Na te aratai o te feia himene. Masekila* a te mau tamaiti a Kora.+
42 Mai te hoê aili e hinaaro ra i te pape,
Te hinaaro atoa ra vau ia oe, e te Atua e.
2 E poihâ to ˈu i te Atua, i te Atua ora.+
Afea vau e haere mai ai e faaite ia ˈu i mua i te Atua?+
3 O to ˈu roimata ta ˈu maa i te po e te ao.
Te faaooo ra te taata ia ˈu i te mahana taatoa a parau ai: “Teihea to Atua?”+
4 Te haamanaˈo ra vau i te reira e te haamahora ra vau i to ˈu aau ia oe ra,
I haere na hoi au na muri i te nahoa taata.
I haere mǎrû noa na vau na muri ia ratou i te fare o te Atua,
Ma te umere e te haamauruururaa
A te hoê nahoa e faatupu ra i te hoê oroa.+
No te aha teie mauiui i roto ia ˈu?
6 To ˈu Atua, te toaruaru nei au.+
No reira vau e haamanaˈo ai ia oe,+
Mai te fenua mai o Ioridana e te mau tupuai mouˈa o Heremona,
Mai te mouˈa mai o Mizara.*
7 Te tiaoro nei te mau pape hohonu i te mau pape hohonu
I te haruru o ta oe mau toparaa pape.
Ua tapoˈi mai ta oe vavea ia ˈu.+
8 I te ao, e horoa mai Iehova i to ˈna here taiva ore ia ˈu nei,
E i te po, ei ia ˈu nei ta ˈna himene, e pure i te Atua o to ˈu ora.+
9 E parau vau i te Atua, to ˈu mato:
“Eaha oe i haamoˈe ai ia ˈu?+
Eaha vau e hahaere ai ma te oto no te haavîraa a to ˈu enemi?”+
10 Ma te hinaaro e haapohe ia ˈu,* te faaooo nei to ˈu mau enemi ia ˈu.
Te faaooo ra ratou ia ˈu i te mahana taatoa a parau ai: “Teihea to Atua?”+
11 Eaha vau e toaruaru ai?
No te aha teie mauiui i roto ia ˈu?