Ioba
32 Faaea aˈera ïa na toru tane i te tamata i te pahono ia Ioba, no te mea ua papu ia ˈna e taata parau-tia o ˈna.*+ 2 Riri roa ihora râ Elihu te tamaiti a Barakela ati Buza+ o te fetii o Rama. Ua ura to ˈna riri ia Ioba i te tamataraa i te haapapu ua tano o ˈna, eiaha râ te Atua.+ 3 Ua riri roa atoa oia i na toru hoa o Ioba no te mea aita i itehia mai ia ratou te tahi pahonoraa, ua parau râ ratou mea ino te Atua.+ 4 I tiai noa na Elihu no te pahono ia Ioba, no te mea e mea paari aˈe ratou ia ˈna.+ 5 I te iteraa Elihu e aita e pahonoraa ta na tane e toru, ura ihora to ˈna riri. 6 Haamata ihora ïa Elihu te tamaiti a Barakela ati Buza i te parau:
No reira vau i mamû ai ma te faatura,+
E ua taiâ vau i te parau ia outou i ta ˈu i ite.
8 Na te varua râ o te Atua i roto i te taata,
Te aho o te Manahope, e horoa ia ratou i te maramarama.+
9 E ere noa i te matahiti* rahi e noaa ˈi te paari,
E ere atoa te feia paari anaˈe te taa eaha te mea tano.+
10 No reira vau e na ô ai: ‘A faaroo mai ia ˈu,
E e parau atoa ˈtu vau i ta ˈu i ite.’
11 Inaha, ua tiai au i ta outou mau parau.
Ua faaroo noa vau i ta outou mau haaferuriraa+
A imi ai outou i te mau parau ia parau.+
12 Ua hiˈopoa maitai au ia outou,
Aita râ hoê o outou i nehenehe e haapapu e ua hape* Ioba
Aore ra e pahono i ta ˈna mau parau haapapuraa.
13 Eiaha ïa e parau: ‘Ua itehia ia matou te paari.
Na te Atua e faahapa ra ia ˈna, e ere na te taata.’
14 Aita oia i faatae mai i ta ˈna mau parau no te patoi ia ˈu,
Eita ïa vau e pahono ia ˈna na roto i ta outou mau parau haapapuraa.
15 Ua horuhoru ratou, aita faahou ta ratou e pahonoraa.
Aita ˈtu â e parau ta ratou.
16 Ua tiai au, aita râ ratou e paraparau faahou ra.
Te tia noa ra ratou i reira, aita ˈtu â e pahonoraa.
17 O vau atoa ïa te horoa i te hoê pahonoraa.
E parau atoa vau i ta ˈu i ite,
18 Ua î hoi au i te mau parau.
Te turaihia ra vau e te varua o te Atua i roto ia ˈu.
20 E paraparau vau ia itehia ia ˈu te tamǎrûraa!
E hamǎmǎ vau i to ˈu vaha no te pahono.