Ioba
33 “I teie nei râ Ioba, a faaroo na i ta ˈu mau parau.
A haapao mai pauroa ta ˈu e parau.
3 E faaite ta ˈu mau parau i te afaroraa o to ˈu aau,+
E e parau to ˈu utu i ta ˈu i ite ma te haavare ore.
5 A pahono mai ia ˈu ia nehenehe ta oe.
A vauvau mai i ta oe mau parau haapapuraa i mua ia ˈu. Ia ineine oe.
7 Eiaha ïa oe e riaria ia ˈu,
E eiaha oe ia toaruaru no ta ˈu mau parau.
8 Ua parau râ oe i mua ia ˈu,
Oia mau, ua faaroo noa vau i teie mau parau:
9 ‘Mea viivii ore au, aita ta ˈu e hapa.+
Mea mâ vau, aita ta ˈu e hape.+
10 Te ite nei râ te Atua i te tahi mau tumu no te patoi ia ˈu.
Te hiˈo ra oia ia ˈu ei enemi no ˈna.+
12 Aita râ oe i tano i te na reiraraa i te parau. E pahono ïa vau ia oe:
Mea hau aˈe te Atua i te taata.+
13 Eaha oe e amuamu ai ia ˈna?+
No te mea anei aita oia i pahono i ta oe mau parau?+
14 E paraparau hoi te Atua hoê e e piti taime,
Aita râ e taata e haapao,
15 I roto i te tahi moemoeâ, te tahi orama i te po,+
Ia varea te taata i te taoto rahi,
A taoto ai ratou i nia i to ratou roˈi.
16 E haafatafata oia i to ratou tariˈa+
E e nenei* oia i ta ˈna mau faaueraa i nia ia ratou,
17 No te faafariu ê i te taata i te raveraa i te ino+
E no te paruru i te taata i te teoteo.+
19 E aˈo-atoa-hia te tahi taata e te mauiui i nia i to ˈna roˈi
E te mamae tamau o to ˈna mau ivi,
20 E ia faufau roa oia* i te faraoa,
E ia ore atoa oia e hiaai i te maa maitai roa.+
21 E pau to ˈna iˈo a ore atu ai e ite-faahou-hia ˈtu,
E e itehia* i teie nei to ˈna mau ivi tei hunahia na.
23 Mai te peu te vai ra te tahi vea* no ˈna,
Hoê paruru i nia hoê tausani,
No te parau i te taata eaha te mea afaro,
24 E farii maitai ïa te Atua ia ˈna e e parau oia:
Ua itehia mai ia ˈu te tahi hoo!+
25 Ia apî aˈe to ˈna tino* i to ˈna apîraa.+
Ia hoˈi oia i te mau mahana o te itoito o to ˈna apîraa.’+
26 E taparu oia i te Atua,+ o te farii ia ˈna,
E ite oia i te hohoˈa mata o te Atua ma te umere,
E e horoa faahou te Atua i ta ˈna parau-tia i te taata.
27 E parau* tera taata ia vetahi ê:
‘Ua hara vau+ e ua taviri au i te mea tia,
Aita râ vau i faautuahia.*
29 Oia mau, e rave te Atua i teie mau mea atoa
E piti, e toru taime, no te tahi taata,
30 No te faahoˈi mai ia ˈna mai roto mai i te apoo,*
Ia nehenehe oia ia turamahia i te maramarama o te ora.+
31 A haapao mai i ta ˈu mau parau Ioba! A faaroo mai ia ˈu!
A mamû noa, e e paraparau noa vau.
32 Mai te peu e parau ta oe, a pahono mai.
A paraparau, e hinaaro hoi au e haapapu ua tano oe.
33 Mai te peu aita ta oe e parau, ia faaroo mai ïa oe ia ˈu.
A mamû noa, e e haapii au ia oe i te paari.”