Samueri Wokutanga
26 Nokuhamba ke nguwa, anarume e ku Zifi akaenda kainga kuna Sauri ku Jibheya uye akati kaari: “Dhavhidhi wakafindara ku dunhu re Hakira, mberi ke Jesimoni.”* 2 Hino Sauri wakateredza kuenda ku Zifi no masurudado agara no basa anokwana kuita 3000 e Israeri kuti apsvake Dhavhidhi. 3 Sauri wakawaka musasa ku dunhu re Hakira, mberi ke Jesimoni, padhuze no gwanza. Dhavhidhi wainga ecigara ku renje uye wakazwa kuti Sauri wainga auya koomupsvaka ku renje. 4 Hino Dhavhidhi wakatuma avhevhi kuti aende koona kuti Sauri wainga auyadi koomupsvaka here. 5 Nokuhamba ke nguwa, Dhavhidhi wakaenda ku musasa kainga kuna Sauri, uye wakaona painga pakawata Sauri na Abhineri mwana wa Neri, mutungamiriri we anyahondo ake. Sauri wainga akawata mu musasa uye masurudado ainga akawata akamutenderedza. 6 Hino Dhavhidhi wakabvunzisa Aimereki Muhiti, uye Abhisai mwana wa Zeruiya hama ya Joabhi kuti: “Ndiani ucaenda neni ku musasa dakara pana Sauri?” Abhisai wakadaira kuti: “Inini ndicaenda nemwi.” 7 Ngokudaro, Dhavhidhi uye Abhisai akapinda mu musasa cousiku, uye akagumira Sauri akawata, mupasha wake wakabairhwa pasi padhuze no musoro wake; Abhineri no masurudado amweni ainga akawata akamutenderedza.
8 Hino Abhisai wakati kuna Dhavhidhi: “Nyamasi Mwari akanda muzondi wenyu mu nyara dzenyu. Uye zvino, siyai kuti ndimubaire pasi no mupasha. Ndicabaya kamwe basi, andidikani kubaya kairi.” 9 Hino Dhavhidhi wakati kuna Abhisai: “Usaite zvakashata kaari, ngokuti ndiani ungamutsa nyara kuti aite zvakashata ku mudzodziwa wa Djehovha ogara asina ndaa?” 10 Dhavhidhi wakatunhudzira eciti: “Ndinopika na Djehovha mupenyu, kuti Djehovha wene acamuuraya, kana kuti ricaguma zuwa rekuti iyena ucafa, pamweni ucaenda ku hondo uye ouraiweyo. 11 Nge rureremedzo kuna Djehovha, inini andizomutsi nyara yangu kuti ndirhwise mudzodziwa wa Djehovha! Hino, ngatitore mupasha wake uye jaro ye mvura zviri padhuze no musoro wake, uye ngatiende.” 12 Hino Dhavhidhi wakatora mupasha uye jaro ye mvura zvainga zviri padhuze no musoro wa Sauri, uye awona akaenda. Apana wakaaona, kunyazi kuziya kuti awona agumepo uye apana wakamuka, ese ainga akawata, ngokuti Djehovha ainga aita kuti awona abathwe no hope dzakakura. 13 Hino Dhavhidhi wakaenda ku dii rimweni uye wakaima pamusoro pe dunhu, pa mukuwo wakareba no kaainga ari.
14 Hino Dhavhidhi wakadainzira ku masurudado uye kuna Abhineri mwana wa Neri, eciti: “Abhineri, uri kundizwa here?” Abhineri wakadaira kuti: “Ndiani uri kukhuira mambo?” 15 Dhavhidhi wakati kuna Abhineri: “Iwewe auripi mwanarume here? Uye ndiani wakaezana na iwewe mu Israeri? Hino ngei auzi kuonerera tenzi wako mambo? Ngokuti umwe we masurudado wapinda mu musasa kuti auraye tenzi wako, mambo. 16 Zvawaita iwewe azvizi kunaka. Ndinopika na Djehovha mupenyu kuti imwimwi makasisira kufa, ngokuti amuzi kuonerera tenzi wenyu, mudzodziwa wa Djehovha. Parizvino ringirai mu muceto menyu! Uri kupi mupasha wa mambo uye jaro ye mvura zvainga zviri padhuze no musoro wawo?”
17 Hino Sauri wakaziya izwi ra Dhavhidhi uye wakabvunzisa kuti: “Ndiwe mwana wangu Dhavhidhi here?” Dhavhidhi wakadaira kuti: “Honde, ndini tenzi wangu mambo.” 18 Iyena wakatunhudzira eciti: “Ngei tenzi wangu muri kuteera museenzi wenyu? Cinyi candakaita? Ndakashaishei? 19 Ndapota tenzi wangu mambo, purutanai masoko e museenzi wenyu: Kana ari Djehovha ari kumuitisai kuti mundirhwise, ngaatambire* mupiro wangu we tsangu dze zvirimwa. Asi kana ari anhu akamupfuridzirai, ngaatukwe pamberi pa Djehovha, ngokuti awona andidzingira uye aazi kutendera kuti ndigarewo dii re nhaka ya Djehovha uye akati: ‘Enda kooseenzera anamwari amweni!’ 20 Uye zvino, musatendere kuti ngazi yangu idururhwe pasi kure na Djehovha, ngokuti mambo we Israeri wakabuda ecipsvaka nhatawo hayo isina basa, hinga uri kupsvaka cikware mu matunhu.”
21 Hino Sauri wakati: “Ndashaisha. Hwirira mwana wangu Dhavhidhi, andicakuitizve ciro cakashata, ngokuti iwewe nyamasi wakoshesa upenyu* wangu. Inini zvezvirokwazvo ndaita hingana benzi, uye ndaita cishaishi cakakura maningi.” 22 Dhavhidhi wakati: “Uri pano uu mupasha wa mambo. Tumai umwe we anarume kuti auye kooutora. 23 Ndi Djehovha acatsiya umwe na umwe maererano no unatsi wake uye maererano no kutendeseka kake, ngokuti nyamasi Djehovha amukandai mu nyara dzangu, asi inini andizi kuda kumutsa nyara yangu kuti ndirhwise mudzodziwa wa Djehovha. 24 Kuita hingana inini nyamasi ndakoshesa upenyu* wenyu, Djehovha ngaakoshesewo upenyu* wangu, uye ngaandinunure pa matambudziko ese.” 25 Sauri wakadaira Dhavhidhi kuti: “Komborerhwa mwana wangu Dhavhidhi. Iwewe ucaita zviro zvakakura, uye ucabudirira.” Pedzepo, Dhavhidhi wakaenda no gwanza rake, uye Sauri wakahwirira kumba.