Akatunga Obumanzi obw’Okwikiriza Obujunaanizibwa obw’Embaganiza

BUJUNAANIZIBWA ki oburukukirayo kuba obw’amaani Yahwe obu yaakahaga omuntu ow’atahikiriire? Teekerezaaho ekyokurorraho eky’omwisiki omuto Omuyudaaya ow’akaba atakabyamaga n’omusaija, arukwetwa Malyamu. Kiro kimu obu akaba ali omuka omu Nazaleesi eya Galiraaya, akatunga omugenyi ow’embaganiza arukwetwa malaika Gabulyeri!

Malaika akamugambira ati: “Obusinge bube na iwe, iwe ow’asiimirwe muno, Yahwe ali na iwe.” Ha kubanza, Malyamu “yayeraliikirra.” Habwokuba akateekereza ngu okuhaisanizibwa oku tikumusemeriire. Gabulyeri akamuhuumuza naamugambira nkooku akaba ‘asimiirwe omu maiso ga Ruhanga.’ Hanyuma yamugambira ebirukukwata ha bujunaanizibwa kuruga hali Yahwe. Akamugambira ati: “Olitwara enda, ozaale omwana omwojo.” Yayongera yamugambira ati: “Aliba mukuru muno kandi alyetwa Omwana ow’Ogu Anyakuli Haiguru Muno.” Omwana we aliirema nk’Omukama, omugwetwa arukukirayo obukuru kuruga omu ruganda rw’Omukama Daudi.

Malyamu akatunga obumanzi obw’okukaguza ekikaguzo. Akaba ajumbiirwe baitu akaba atakataahire obuswere; kandi akaba atakateeranaga n’omusaija. Akakaguza ati: “Kinu kiraasoboka kita?” Gabulyeri yamusoborra ngu amaani ga Yahwe kandi ogu nugwo omwoyo gwe ogurukwera ‘gulimuswekerra,’ atwale enda ey’omwana ow’ahikiriire, kandi omwana ogu “alyetwa arukwera, Omwana wa Ruhanga.” Malaika akagambira Malyamu, Yahwe eki akaba akoliire omunyabuzaale we Erizabbeesi. Obu bukaba buli bwakaiso oburukumara hali Malyamu. N’obwebundaazi akagamba ati: “Dora, omuzaana wa Yahwe! Leka kibe hali nyowe, nkooku ogambire.” Akarora Yahwe nka Mukama we ow’okugonza, kandi uwe yayerora nk’omwisiki omuzaana omuhulizi. Akaba naakigumya ngu kakuba akikora yaakwikaire naamulinda. Habw’okumanya ekintu eki, akatunga obumanzi obw’okwikiriza obujunaanizibwa obu obw’embaganiza.

Hanyuma ya malaika kugenda, Malyamu akagenda kurora Erizabbeesi. Abakazi banu babiri bakagaraamungana amaani habw’obujunaanizibwa obu bakaba batungire. Malyamu akooleka okwikiriza kwe kuraba omu kugambira Erizabbeesi nambere yaihaga obumanzi bwe. Obu akaba naabaza, akakozesa ebigambo kuruga omu Byahandiikirwe eby’Oruhebburaniya kuhingura omu mirundi 20! Malyamu akasobora kukikora eki, habwokuba akaba ayecumiitirizeeho muno Ekigambo kya Ruhanga. Nahabweki, akaba amanyire kurungi Yahwe kandi naakigumya ngu byona ebi yaraganiize nibiija kuhiikirra. Malyamu akaikara na Erizabbeesi kumara nk’ameezi asatu atakagarukire owabu. Akaba naayetaaga obumanzi obw’amaani kugambira Yusufu nkooku aine enda n’omulingo yagitungire. Ha kubanza Yusufu ataikirize Malyamu ebi yamugambiire, baitu malaika wa Yahwe akamukoonyera kwetegereza ebintu ebyabaireho.

Hanyuma ya Yusufu na Malyamu kutaaha obuswere, akasumi ka Malyamu kuzaara kakaba kairiire haihi. Baitu Yusufu akamutwara Beterehemu, habwokuba Kaisaali akaba arabizeeho ekiragiro ekyayetaagisize abantu boona kubarwa. Omu nyikara Malyamu ei akaba arumu, kugendera ha ndogoya orugendo nk’orwa kilomita 150 (mairo 93) nikiteekwa kuba kikaba kitanguhire. Baitu akasobora kugenda. Hanyuma, akaba aine kuzarra omwana we omu kiju kandi amubyamye omu bwato nambere ebisoro biriira. Baitu nabwo, Malyamu akaikara ali mumanzi. Kusobora kurolerra omwana we ow’omuhendo, akacweramu kimu kukozesa byona ebi akaba aine kumurolerra.

Malyamu yakwetaagire obumanzi omu biro ebi, n’emyaka eyakuhondiireho. Akaba naayetaaga obumanzi obu bakaba nibairukira Misiri, habwokuba Omukama Herodi akaba naagonza kwita Yesu. Kandi akaba naabwetaaga uwe na Yusufu, obu bakaba baine kurolerra eka ey’abaana musanju n’okukiraho, noobu kiraaba ngu bakaba bali banaku. Ekindi, akabwetaaga Yusufu iba, obu yafiire, kandi nikisobora kuba ngu Yesu akaba atakafookere Masiya. Akongera yabwetaaga Yesu obu yarugire omu ka, kugenda kuhiikiriza obujunaanizibwa bwe. Kandi akakira muno kubwetaaga, abantu obu baahangiriire Yesu, baamucwera omusango kandi hanyuma baamwita. Eky’okumalirra, akeetaaga obumanzi kusobora kufooka omu h’abaheereza ba Yesu, noobu kiraaba ngu Abayudaaya tibaabagonzaaga.

Mali Malyamu akaba aine obujunaanizibwa obw’amaani! Obumanzi obw’okubuhikiiriza akabwiha nkaha? Baibuli eyoleka ngu Malyamu obu yayegaga ekintu ekirukugumya okwikiriza kwe, yakyahuraga ha mutima gwe. Nahabweki, akaba aine eby’obuguuda bingi eby’omwoyo. Ebimu bikaruga omu Kigambo kya Ruhanga, ebindi omu bamalaika abarukwahukana, ebindi omu baheereza ba Yahwe ab’omu nsi, kandi n’ebindi akabihurra kuruga hali mutabani we. Malyamu kwecumiitirizaaho amananu ag’omuhendo, kikamukoonyera kugumira enyikara ezigumangaine kuhikira kimu ha kumalirra.

Soma Ebyahandiikirwe ebirukumubazaaho:

• Luka 1:26-56; 2:1-7, 19, 48-51

Kuleeta hamu ebiteekerezo:

Miringo ki Malyamu ei yayolekeremu obumanzi?

Yega Ebirukukiraho

1. 1. Bwakaiso ki oburukwoleka ngu ebirukubazibwaho omu Luka 2:1-3 bikabaho kwo? (g 4/11 11 ¶4-5-wcgr) A

   Eky’okugarukamu kyawe

   

   British Library, London, UK, from the British Library archive/Bridgeman Images

2. 2. Habwaki orugendo rwa Beterehemu nirusobora kuba rwagumiire Malyamu? (ia 153-155 ¶4-7-wcgr)

   Eky’okugarukamu kyawe

3. 3. Yesu obu akaba akyali nkerembe, Malyamu akagambirwa ati: “Empirima ey’eraihire erikurabamu.” Ebigambo ebi bikahikirra bita? (Luka 2:35; w08 3/15 30 ¶8-wcgr)

   Eky’okugarukamu kyawe

4. 4. Habwaki nitusobora kugamba ngu Malyamu akaheebwa empeera ey’obwomeezi omu iguru? (w18.07 7 ¶14) B

   Eky’okugarukamu kyawe

   

Ebikaguzo eby’Okwecumiitirizaaho

• Malyamu obu akaba naayetaaga kuhuumuzibwa n’okugarurwamu amaani, akabungira Erizabbeesi. (Luk. 1:39, 40) Habwaki tusemeriire kuserra obukoonyezi obu turukuba nituhikwaho ebirengo rundi obu turukuba nituraba omu nyikara ey’egumire omu buheereza bwaitu? C

  Eky’okugarukamu kyawe

  

• Noobu kiraaba ngu Malyamu akaba ajumbiirwe Yusufu, Yahwe akabanza kutuma malaika we hali Malyamu. Kinu nikitwegesa ki hali Yahwe obukirukuhika ha mulingo aroramu abakazi abeesigwa?

  Eky’okugarukamu kyawe

• Noosobora ota kwegera ha bumanzi bwa Malyamu?

  Eky’okugarukamu kyaw

Eki Birukunyegesa Hali Yahwe n’Ekigendererwa Kye

• Isomo linu nirikwegesa ki hali Yahwe?

  Eky’okugarukamu kyawe

• Ekyokurorraho kinu nikihikaana kita n’ebigendererwa bya Yahwe?

  Eky’okugarukamu kyawe

• Habwaki nikikusemeza ngu Malyamu naasobora kuba yakomerwe kulema na Kristo omu iguru?

  Eky’okugarukamu kyawe

Manya na Binu

Teekerezaaho omulingo Malyamu yayekambire kandi yayefeereza kusobora kurolerra abaana.

“Ebi Osobora Kwegera ha Kyokurorraho Kya Malyamu” (w09 1/1 5 ¶5–6 ¶2-wcgr)

Nooteekereza Malyamu akeehurra ata obu yatungire obujunaanizibwa obw’embaganiza Gabulyeri obu yamugambiire kuruga hali Yahwe?

“Dora, Omuzaana wa Yahwe!” (3:40)