25 DAUDI
Akaba Aine Obumanzi obw’Okukora Ekihikire
DAUDI akaba nairuka Omukama Saulo. Ha kubanza Saulo yagonzaaga Daudi kandi yamwesigaga muno. Yahimbaga ekijwaro kya Saulo eky’okurwanisa kandi hanyuma, yamufoora mukuru omu ihe rye. Hati Daudi akaba nairuka, nukwo asobole kujuna obwomeezi bwe. Ruhanga akaba araganiize Daudi kumufoora omukama, baitu akaba naayesereka omu irungu kulengaho kulinda obwomeezi bwe hamu n’obw’abasaija be 600.
Saulo akaba afookere omukama omubi. Akaba ainiire Daudi ihali lingi, ekyamuleetiire kumukwatirwa ekiniga n’okugonza kumwita emirundi nyingi. Kiro kimu Daudi obu yatungire omugisa gw’okwita Saulo, atakikole, baitu omu kiikaro kya Saulo kusiima, akaikara naahiiga Daudi kumwita. Abasaija ab’orubuga orurukwetwa Zifo bakagobeza Daudi. Habw’omurundi gwa kabiri, bakaranga ekiikaro nambere Daudi akaba ayeserekere. Obu baagambiire Saulo, akagenda n’ihe rye kuhambya Daudi.
Daudi yaakukozere ki? Ha kubanza, akatuma abasaija abamu kugenda kumanya ekiikaro nambere Saulo ali. Noobu kiraaba ngu Saulo akaba aine abaserikale 3000, eki kitatiinise Daudi. Habwokuba omu kasumi ako, nubwo yahandiikire ebigambo binu: “Dora, Ruhanga nuwe mukonyezi wange: [Yahwe] ali hamu nabo abasagika obwomezi bwange.” (Zab. 54:4) Nahabweki, Daudi akacwamu kugenda omu nkambi ya Saulo omu bwire bw’ekiro. Akasaba omu h’abasaija be ayakugondeze kugenda na uwe.
Abbisaayi akeehayo kugenda na uwe. Abbisaayi akaba ali mwana wa mugenzi wa Daudi, atarukutiina, kandi obwire obumu tiyaganyiraga. Daudi na Abbisaayi obu baataahire omu nkambi ya Saulo mpora-mpora, akarora buli omu agwijagiire. Mali, Yahwe nuwe akaba aleetiire abasaija abo kugwijagira muno. Kandi Omukama Saulo na uwe akaba agwijagiire muno, ataina bulinzi, kandi icumu lye likaba lisimbirwe omu itaka ha musago gwe.
Daudi yaakukozere ki? Kikaba nikisobora kumwanguhira kwita Saulo! Obundi, Daudi akaba naasobora kutunga omugisa ogw’okuleka kwiruka kandi hanyuma afooke omukama. Abbisaayi atakyetegereze habwaki Daudi atararahukire kwita Saulo. Akamuhwehweterra omukutu ati: “Ruhanga ahaire munyanzigwa wawe omu mukono gwawe ha kiro kinu: leka nu mucumite nkwesengeriize, nicumu linu hansi omurundi gumu gwonka, timucumite obwakabiri.”
Daudi akaijuka kurungi nkooku yabaireho omu nyikara niyo emu. Omu irungu lya Engedi, Daudi akeesanga ali haihi na Saulo omu bwingira. Baitu Saulo atamurole, kandi Daudi akaba naasobora kwita omunyanzigwa we. Oihireho, akasaraho akacweka k’ekijwaro kya Saulo. Baitu eki, kikatalibaniza muno omuntu we ow’omunda. Daudi akasaasa muno habw’okutwaza kubi omukama, Yahwe ou akaba aseesereho amagita.
Omu bwire bw’ekiro obu, nikisobora kuba kitarayanguhiire Daudi kutanga Abbisaayi kwita Saulo. Daudi akaba akimanyire kurungi ngu na Abbisaayi akaba nairuka Saulo. Abasaija ba Daudi boona bakaba balindiriire akasumi Saulo obu yaakulekere kubahiiganiza. Baitu nabwo, Daudi akanga kukora kubi Saulo. Daudi akahana Abbisaayi ow’akaba aine ekihika ky’okwita Saulo, kandi yamwekambisa kugumiisiriza. Daudi akagambira Abbisaayi ati: ‘Yahwe nuwe alicumita Saulo, rundi ekiro kye eky’okufa kirihika, rundi aligenda omu bulemu naagwayo.’ Akongera yakigumya naagamba ati: “Omu maiso ga Yahwe, tikihikire naakake nyowe okukora kubi ogu, Yahwe ou yaseesereho amagita!” “NWT.”
Daudi obu yasindikiriziibwe kwita omunyanzigwa we ow’amaani, kiki eki yaakukozere?
Daudi akaba akimanyire ngu Yahwe akaba naagenda kufubira Saulo omu kasumi akahikire. Omu zabbuli ey’ebaziibweho eruguru, akahandiikaho Yahwe ati: “Uwe alihorra enzigu abanyanzigwa bange obwobubi bwabu.” (Zab. 54:5) Daudi na Abbisaayi bakaruga omu nkambi ya Saulo baagenda h’akasozi akali haihi. Daudi yayamirra Saulo n’abaserikale be naajunaana abasaija abo habw’okulema kulinda mukama wabo. Kandi akasekeereza Saulo habw’okusiisa obwire bwe naabahiiga, habwokuba Daudi akeerengesaniza n’enkukuni kandi ngu akaba atali munyanzigwa w’omukama. Saulo akaswara muno. Akagamba ati: “Nkozire obutami, kandi mpabire muno.”
Baitu nabwo, Saulo akahindura engeso ze? Daudi akaba akimanyire kurungi ngu Saulo, akaba atakahindwire engeso ze. Baitu ateeyijukye habw’okwoleka obumanzi kuhondera omuntu we ow’omunda ow’akaba atendekerwe emisingi ya Ruhanga. Akasumi kakahika, Yahwe yaha omuheereza we omumanzi kandi omwesigwa emigisa omu miringo endi nyingi Daudi ei akaba atarukunihira.
Soma Ebyahandiikirwe ebirukumubazaaho:
1 Samwiri 16:21; 18:5-14; 23:19; 24:3-7; 26:1-25
Kuleeta hamu ebiteekerezo:
Miringo ki Daudi ei yayolekeremu obumanzi Saulo obu akaba naamuhiiga?
Yega Ebirukukiraho
1. Abbisaayi akasagika ata Daudi n’abantu ba Yahwe n’obumanzi, noobu kiraaba ngu akaba ali muntu ow’ekiniga kandi arukurahuka kukora encwamu atabandize kuteekereza? (it “Abbisaayi” ¶3-5-wcgr)
2. Habwaki Daudi yayerengesaniize ‘n’endahi omu nsozi’? (1 Sam. 26:20; it “Endahi” ¶4-wcgr) A
Ekaterina Kolomeets/stock.adobe.com
Ekisisani A
3. Habwaki Daudi akaba naayetaaga kugumiisiriza? (w17.08 6 ¶14-15)
4. Daudi akagumizaamu ata naayoleka obuculeezi na hanyuma y’ebintu binu kubaho? (w21.09 10 ¶8) B
Ekisisani B
Ebikaguzo eby’Okwecumiitirizaaho
Noobu kiraaba ngu Saulo akakora ensobi nyingi, Daudi akaikara naamutamu ekitiinisa. Nitusobora tuta kwegera hali Daudi obukirukuhika ha mulingo turoramu . . .
bazaire baitu? C
Ekisisani C
ab’obusobozi omu gavumenti? D
Ekisisani D
abagurusi b’ekitebe? E
Ekisisani E
Daudi n’obumanzi akahondera omuntu we ow’omunda ow’atendekerwe emisingi ya Baibuli. Nyikara ki nambere tusobora kuhondera omuntu waitu ow’omunda n’obumanzi?
Miringo ki endi ei osobora kwegera ha bumanzi Daudi yayolekere?
Eki Birukunyegesa Hali Yahwe n’Ekigendererwa Kye
Isomo linu nirikwegesa ki hali Yahwe?
Ekyokurorraho kinu nikihikaana kita n’ebigendererwa bya Yahwe?
Kiki eki waakugondeze kukaguza Daudi obu alihumbuuka?
Manya na Binu
Rora ebintu ebi tubalizeeho omu isomo linu nibibaho kwo.
Ijuka Omulingo Okugonza Kwetwazaamu—Kugumiisiriza Ebintu Byona (1:29)
Kiki abaana eki basobora kwegera hali Saulo ow’akaba ali mwebundaazi kandi omuculeezi baitu hanyuma yafooka muntu ow’emyehembo?
“Omukama Saulo” (Ekicweka ekiri ha mukura ekirukubazaaho omuntu ow’omu Baibuli-E)