Akatangatangana Abasaija Babiri Abakaba Baine Ekiniga

ABBIGAIRI akaba ali omu nyikara ey’egumire muno habw’abasaija babiri abakaba bainiirengana ekiniga eky’amaani. Omu hali bo akaba iba arukwetwa Nabbali, ow’akaba ali musaija ow’ataine mbabazi, ow’ekiniga kingi kandi omudomadoma. Ondi akaba Daudi ow’akaba ali musaija omurungi, omuheereza wa Yahwe omwesigwa, kandi ow’akaba naija kuba omukama wa Isaleeri omu kasumi ak’omumaiso. Baitu Nabbali akaba abihiize Daudi, kandi obwomeezi bwa Abbigairi n’ab’omu nju ye bukaba buli omu kabi k’amaani. Abbigairi akaba ali mukazi ow’asemiire kandi ow’aine amagezi. Baitu akaba naija kwiha nkaha obumanzi obw’okukora ekirukwetaagisa nukwo batahikwaho akabi?

Abbigairi akamanya ngu haroho ekizibu, omu h’abaheereza ba Nabbali obu yakimugambiireho. Akamugambira ngu Daudi akaba ali omu muhanda naija, ayebembiire abasaija 400 abakwasire eby’okurwanisa kandi beeteekaniize kukora kubi Nabbali “nenju ye yona.” Habwaki baali nibagonza kukora ekintu eki? Daudi akaba asabire Nabbali ebyokulya. Kandi akaba ahikire kubimusaba habwokuba uwe n’abasaija be bakaba balinzire Nabbali omuguuda, baalinda abaliisa be hamu n’amagana ge. Noobu kiraaba ngu Omukama Saulo akaleetera Daudi kwiruka habw’okumuhiiganiza ataine kibi eki akozere, n’obwesigwa Daudi akaikara naalinda Abaisaleeri hali abanyagi. Baitu Daudi obu yatumire abasaija be hali Nabbali kumusaba ebyokulya omu mulingo ogw’embabazi, Nabbali akabacoomera, yabajuma, yahika na ha kugamba ngu Daudi ali mwiru ow’airukireho mukama we!

Omuheereza wa Nabbali akaba akimanyire ngu tikiine makuru kugambira mukama we ekizibu ekikaba kiroho. Omu bwire obu, akagambira Abbigairi ati: ‘Musaija mubi, tikirukusoboka kubaza na uwe.’ Baitu akaba akimanyire ngu Abbigairi naija kumuhuliiriza kandi akole encwamu ey’amagezi. Kiki Abbigairi eki yakozere?

Akaikara ateekaine baitu yagira eki yakoraho omu bwangu. Akateekaniza ebyokulya bingi yabita ha ndogoya kandi yagambira abaheereza kumwebembera, babitwarre Daudi nk’ebisembo. Kandi na uwe akaija abahondiire aikaliire ha ndogoya. Baitu atagambire Nabbali ekintu kyona. Asobora kuba akaba akimanyire ngu Nabbali naija kumutanga kukora ekihikire.

Abbigairi obu akaba ali ha ndogoya, orusozi rukaba rumusiikiriize. Nahabweki, Daudi n’abasaija be abakaba nibaija omu maiso ge, batasobole kumurora ahonaaho. Obu yatangatangaine Daudi n’abasaija be, ahonaaho akaruga ha ndogoya, yagenda hali mukuru w’abarwani ow’aine ekiniga eky’amaani. Akateeza amaju hansi, yainamya omutwe gwe omu maiso ga Daudi, yamwesengereza amwikirize kubaza na uwe. Daudi obu yarozere obwebundaazi bwa Abbigairi, akateekaana yaikiriza kubaza na uwe.

Abbigairi akasaba ekiganyiro habw’ekintu eky’obudoma iba eki akaba akozere, kandi yagambira Daudi ngu akaba ahikire kukwatirwa iba ekiniga. Hanyuma, akaijukya Daudi nkooku akaba aine okwikiriza okw’amaani omuli Yahwe Ruhanga. Kandi akamugambira ngu Yahwe tarukugonza aseese esagama y’abantu abataine musango, ekintu eki yakweijukize hanyuma. Akongera yagamba ngu Yahwe yaakugumize enju ya Daudi kandi amufoole omulemi obu naasingura abanyanzigwa ba Daudi boona. Abbigairi akaba akimanyire kurungi ngu Yahwe akaba akomere Daudi kuba omukama ow’araahonderaho.

Ebigambo bye eby’embabazi kandi eby’amagezi, bikaleetera Daudi kukeehya ekiniga. Daudi akagamba ati: “Akugizibwe [Yahwe] Ruhanga wa Isareri, akutumirege ekiro kinu okunyitirana!” Akaha Abbigairi omugisa habwokuba mukazi ow’amagezi, kandi n’obwebundaazi, yaikiriza obuhabuzi bwe obw’amagezi. Kandi yagamba ati: “Dora, mpuliire iraka lyawe.”

Nabbali atamanye Abbigairi eki yakozere. Kiro eki, akakora obugenyi yalya kandi ‘yatamiira muno.’ Abbigairi akalinda kuhikya obwire bukiire, Nabbali amaarwa gamuhoireho nubwo yabaza na uwe. Nikizooka ngu Nabbali akaba akyaine ekiniga nka buli kiro. Baitu Abbigairi akamugambira byona ebibairehoga. Naasobora kuba akaba naanihira ngu Nabbali naija kukwatwa ekiniga, amutabukire, rundi amuteere? Baitu eki kitabeho habwokuba ‘Omutima gwe gukafooka nk’ogw’omuntu ow’afiire, kandi yabyama asaraire ali nk’ibaale.’ Kandi hanyuma y’ebiro ikumi, ‘Yahwe yateera Nabbali yafa.’ Nahabweki, Yahwe akafubira Nabbali habw’okutwaza kubi Daudi, omuheereza we ow’akaba aseesereho amagita. Yahwe akaha Abbigairi omugisa kuruga omu buswere obubi.

Yahwe akaha Abbigairi emigisa endi nyingi. Daudi obu yamanyire ngu Nabbali afiire, akeeta Abbigairi yamusaba abe mukazi we kandi yaikiriza. Akasumi kakahika, Daudi yafooka omukama. Akabanza kulema Yuda, hanyuma yalema Isaleeri yoona, kandi Abbigairi akamuzarra omwana omwojo. Haroho akasumi abanyanzigwa b’abantu ba Ruhanga obu baatwaire Abbigairi, baitu habw’akasumi kake. Iba, Daudi, ow’akaba ali mumanzi, kandi omusaija omurungi akaija yamujunira.

Soma Ebyahandiikirwe ebirukumubazaaho:

• 1 Samwiri 25:1-43; 30:1-6, 16-20

Kuleeta hamu ebiteekerezo:

Miringo ki Abbigairi ei yayolekeremu obumanzi?

1. 3. Habwaki Nabbali akaba asemeriire kusiima abaserikale ba Daudi habw’obukoonyezi obu baamuhaire? (ia 77-78 ¶9-10-wcgr) B

   Eky’okugarukamu kyawe

   

   Hanan Isachar/Alamy Stock Photo

2. 4. Abbigairi akaba naamanyisa ki obu yagambire ngu obwomeezi bwa Daudi ‘bulibohwa omu nsaho y’obwomeezi hamu na Yahwe’? (1 Sam. 25:29; it “Obwomeezi” ¶45-wcgr)

   Eky’okugarukamu kyawe

Ebikaguzo eby’Okwecumiitirizaaho

• Kiki banyineeka eki basobora kwegera hali Daudi ayahuliriize Abbigairi? C

  Eky’okugarukamu kyawe

  

• Kiki banyaanya itwe abali omu buswere n’abasaija abatarukuramya Yahwe, eki basobora kwegera hali Abbigairi?

  Eky’okugarukamu kyawe

• Noosobora ota kwegera ha bumanzi bwa Abbigairi?

  Eky’okugarukamu kyawe

Eki Birukunyegesa Hali Yahwe n’Ekigendererwa Kye

• Isomo linu nirikwegesa ki hali Yahwe?

  Eky’okugarukamu kyawe

• Ekyokurorraho kinu nikihikaana kita n’ebigendererwa bya Yahwe?

  Eky’okugarukamu kyawe

• Kiki eki waakugondeze kukaguza Abbigairi obu alihumbuuka?

  Eky’okugarukamu kyawe

Manya na Binu

Kiki Omukristaayo eki asobora kukora kugumya obuswere bwe n’omuntu ow’atarukuheereza Yahwe?

Obuswere—bw’Oruteekerro (4:30)

Abbigairi akakoonyera Daudi kulema ekiniga kye. Teekerezaaho emiringo ei osobora kulemamu ekiniga kyawe obu barukuba bakubihiize.

“Okwekenga okw’Omuntu Kumuikazaho Okubihirwa” (w14-E 12/1 12-13)