Otahwamu Amaani

Omusingi: “Tibayosaga okwegesa nokutebeza.” —Eng. 5:42.

Omulingo Paulo Yakikozeremu

Omukwenda Paulo nagambira ekitebe ky’abantu abali omu kyombeko ky’isomero amakuru amarungi.

VIDIYO: Paulo Atahwemu Amaani omu Efeso

1. Rora VIDIYO, rundi soma Engeso Ezabakwenda 19:8-10. Hanyuma ogarukemu ebikaguzo binu:

Abantu abamu obubaahakaniize Paulo, omu kiikaro ky’okuhwamu amaani akakora ki kukonyera abo abayolekere ngu nibagonza kumuhuliiriza?
Paulo akabagarukira emirundi ingaha kandi kumara kasumi ki?

Kiki Ekiturukwegera Hali Paulo?

2. Tusemeriire kuteekamu amaani n’obwire kusobora kugarukira abantu tutebiize n’okutandika kubeegesa Baibuli.

Yegera Hali Paulo

3. Hindahinduramu n’osigikirra ha bwire bw’omuntu ow’otebiize. Wekaguze: ‘Bwire ki oburungi obunsobora kumusangayo? Nidi kandi nkaha nambere asobora kubaza nanyowe?’ Mubungire n’obukiraaba ngu obwire obwakuhaire tiburukukwanguhira.

4. Kora entekaniza omanye nidi obworayongera kumubungira. Hanyuma y’okubaza nauwe, lengaho kumanya obwire byonyini obwaraaba aroho. Kandi ogarukeyo nk’oku omuraganiize.

5. Ikara nonihira. Otatekereza ngu habwokuba takira kwikara omuka rundi ngu aine bingi ebyokukora, tarukugonza kukuhuliiriza. (1 Kol. 13:4, 7) Otahwamu amaani kandi oijuke kukozesa kurungi obwire bwawe.—1 Kol. 9:26.

RORA N’OMU

Eng. 10:42; 1 Kol. 9:22, 23; 2 Kol. 4:1; Bag. 6:9