Gumiisiriza

Omulingo Yesu Yakikozeremu

VIDIYO: N’Okugumiisiriza Yesu Akonyera Mugenzi We

1. Rora VIDIYO, rundi soma Yohana 7:​3-5 na 1 Abakolinso 15:​3, 4, 7. Hanyuma ogarukemu ebikaguzo binu:

1. Ha kubanza bagenzi ba Yesu baketwaza bata obubaahuliire obutumwa bwe?

2. Kiki ekirukwoleka ngu Yesu atajwahe kukonyera mugenzi we Yakobo?

Kiki Ekiturukwegera Hali Yesu?

2. Tusemeriire kugumiisiriza habwokuba abantu abamu kibatwarra obwire kwikiriza amakuru amarungi.

Yegera Hali Yesu

3. Lengaho omulingo ogundi. Kakuba omuntu ayanga kwegesebwa Baibuli otamuhambiriza. Obukiraaba kisemeriire, kozesa vidiyo rundi ebicweka ebindi kumukonyera kwetegereza omulingo twegesa abantu Baibuli n’omulingo aragasirwa.

4. Otalengesaniza abantu. Abantu nibahukana. Kakuba omunyabuzaale rundi omuntu ow’ogarukiire ayanga kwega Baibuli rundi kakuba kimugumira kwikiriza ekimubalizeeho kuruga omu Baibuli, tekerezaaho ensonga habwaki ayetwaize ati. Nikisobora kuba ngu haroho enyikiriza eyatwara kuba nkuru muno? Nasindikirizibwa abataahi rundi abanyabuzaale? Muhe obwire obwokutekerezaaho ebimubalizeeho n’okurora omugaso gw’ebintu Baibuli eby’eyegesa.

5. Saba Yahwe. Saba Yahwe akukonyere kuba n’entekereza enungi kandi oyetwaze omu mulingo ogw’amagezi. Musabe akukonyere kumanya omuntu ogu obwaraaba atakyagonza kubazaaho Baibuli kandi oleke kumugarukira.—1 Kol. 9:26.