Ba Mumanzi

Omusingi: “Twatunga obumanzi omu Ruhanga waitu okugambira inywe enjiri.”—1 Bas. 2:2.

Omulingo Yesu Yakikozeremu

Yesu nagambira Zakayo kusirimuka kuruga omu muti, kandi abantu bahuniriire.

VIDIYO: Yesu Atebeza Zakayo

1. Rora VIDIYO, rundi soma Luka 19:1-7. Hanyuma ogarukemu ebikaguzo binu:

Kiki ekisobora kuba kyaletiire abantu abamu kwetantara Zakayo?
Baitu kiki ekyayekambisize Yesu kumutebeza?

Kiki Ekiturukwegera Hali Yesu?

2. Nitwetaaga obumanzi kutebeza amakuru amarungi tutarukusoroora.

Yegera Hali Yesu

3. Wesige Yahwe. Omwoyo ogurukwera gukakonyera Yesu kutebeza, kandi naiwe nigusobora kukukonyera. (Mat. 10:19, 20; Luk. 4:18) Saba Yahwe akuhe obumanzi kutebeza abo abasobora kuzooka nk’abarukutiinisa.—Eng. 4:29.

4. Otacwera abantu omusango otakabatebiize. Nitusobora kwanga kutebeza abantu abamu habw’omulingo barukuzookamu, habwokuba banaku, baguuda, rundi habw’ebibarukwikiririzaamu. Baitu ijuka ngu:

Titusobora kurora ebiri omu mutima, nka Yahwe na Yesu.
Yahwe n’asobora kukonyera buli muntu wena.

5. Ba mumanzi baitu oteekemu abantu ekitiinisa. (Mat. 10:16) Wetantale kuteera empaka. Omu mulingo ogw’ekitiinisa leka kubaza n’omuntu kakuba aba atarukugonza kuhuliiriza rundi kakuba okirora ngu oli omu kabi.—Nfu. 17:14.

RORA N’OMU

Eng. 4:31; Bef. 6:19, 20; 2 Tim. 1:7