Wegendereze Ebigambo Ebyorakozesa

Omusingi: “Ebigambo byanyu biikalege byembabazi ebiro byona.”—Bak. 4:6.

Omulingo Paulo Yakikozeremu

Omukwenda Paulo natebeza abantu ab’omu Asene.

VIDIYO: Paulo Atebeza Abantu ab’Omu Asene

1. Rora VIDIYO, rundi soma Engeso Ezabakwenda 17:22, 23. Hanyuma ogarukemu ebikaguzo binu:

Paulo akehurra ata ha migenzo ey’amadiini ag’ebisuba eyiyarozere omu Asene?—Rora Engeso Ezabakwenda 17:16.
Omu kiikaro ky’okucwera omusango abantu ab’omu Asene, Paulo akakozesa ata ebibarukwikiririzaamu kubagambiraho amakuru amarungi?

Kiki Ekiturukwegera Hali Paulo?

2. Kakuba tukomamu ebigambo ebirungi ebiturakozesa, omulingo turabibaza n’akasumi akahikire obuturabibaza, abantu nibaija kugonza kutuhuliiriza.

Yegera Hali Paulo

3. Komamu ebigambo ebisemeriire. Ekyokurorraho, obworukuba nobaza n’omuntu atarukwikiririza omu Baibuli, n’osobora kuhinduramu omulingo orukwanjura Baibuli rundi omulingo orukubazaaho Yesu.

4. Otanguhiriza kumwoleka ngu ebyabalize tigali mananu. Muleke abaze ekyarukutekereza. Kandi kakuba abaza ekintu ekitali omu Baibuli, wetantale kumuteeza empaka. (Yak. 1:19) Kakuba omuhuliiriza kurungi, noija kumanya ekyarukutekereza.—Nfu. 20:5.

5. Ikiranganiza nauwe kandi omusiime nambere kisemeriire. N’asobora kuba nakigumya ngu ebyarukwikiririzaamu bihikire. Lengaho kubazaaho ebintu ebimurukwikiranganizaaho nukwo hanyuma mporampora olengeho kumukonyera kwetegereza Baibuli ekyeyegesa.

RORA N’OMU

Nfu. 25:15; 2 Tim. 2:23-26; 1 Pet. 3:15