Нәфрәт һәм җинаятьләр кайчан да булса бетәрме? Изге Язмаларда нәрсә әйтелә?

Кызганычка каршы, нәфрәт нигезендә җинаятьләр кылу очраклары арта бара. Кайберәүләр башкаларга диннәре, расалары, милләтләре, җенесләре я бүтән сәбәпләр аркасында һөҗүм итә. Нәтиҗәдә, күп кеше үлә, эмоциональ яки физик яктан җәрәхәтләнгән килеш кала, ә җәмгыятьтә курку хисе хөкем сөрә.

Изге Язмаларда безнең көннәрдә кешеләр «рәхимсез» һәм «кеше яратмаучы» булырлар дип алдан әйтелгән булган (2 Тимутигә 3:1—5). Нәфрәт һәм җинаятьләр кайчан да булса бетәрме? Изге Язмаларда нәрсә әйтелә?

Нәфрәт һәм җинаятьчелек ничек бетәчәк?

Изге Язмалар безне, Аллаһы җинаятьчелекне бетерә ала һәм моны эшләячәк тә, дип ышандыра.

• «Явыз кешеләр юк ителәчәк... [...] Ә юашлар җирне мирас итеп алачак һәм чиксез тынычлыктан зур рәхәтлек табачак» (Зәбур 37:9—11). Аллаһы кансыз кешеләрнең башкаларга зыян китерүләренә бүтән юл куймаячак.

• Аллаһы кешеләрнең «һәр күз яшен сөртәчәк, һәм үлем, кайгы, ачы тавыш, авырту инде булмаячак. Чөнки элеккегеләр үтеп китте» (Ачылыш 21:4). Аллаһы җинаятьчелек аркасында физик һәм эмоциональ яктан яраланган кешеләрне тулысынча савыктырачак.

• «Кешеләр... үледән тереләчәк» (Рәсүлләр 24:15). Аллаһы миллионлаган кешеләрне, шул исәптән җинаятьчеләр кулыннан үтерелгәннәрне дә, яңадан тормышка кайтарачак.

Нәфрәтне ничек җиңәргә?

Изге Язмалар киләчәккә өмет биреп кенә калмый, ә инде бүген безгә җан тынычлыгы бирә һәм нәфрәт хисен җиңәргә булыша. Без сезне мондый мөһим сорауларга җавап алырга дәртләндерәбез:

• Көч куллануга китерә торган нәфрәт хисеннән ничек арынырга? «Нәфрәт учагын сүндереп була» дип исемләнгән «Күзәтү манарасы» журналында Изге Язмалардагы киңәшләрне укыгыз.

• Ни өчен Аллаһы газапларга юл куя? «Ни өчен Аллаһы газапларны рөхсәт итә?» дигән видеодан Изге Язмаларга нигезләнгән җавапны белегез.