Klok i Soim Taim Bilong Graun Long Bagarap i Kam Klostu Moa Long Biknait

Long Janueri 27, 2026, ol saientis i muvim han bilong Klok i Soim Taim Bilong Graun Long Bagarapa i kam klostu moa long 12 klok long biknait. Biknait i makim bikpela bagarap em ol man i kamapim long olgeta hap bilong graun.

• “The Bulletin of the Atomic Scientists Science and Security Board long nau i tokaut olsem Klok i Soim Taim Bilong Graun Long Bagarap i muv i kam klostu moa inap 85 seken paslain long 12 klok long biknait, em i kam klostu moa long bikpela bagarap winim long bipo.”—Bulletin of the Atomic Scientists.

• “I hatwok long save gut long Klok i Soim Taim Bilong Graun Long Bagarap. Ol bikpela bagarap i wok long kamap, tasol ol man i no bung wantaim bilong stretim, na taim i sot. Senis i mas kamap na em i bikpela samting, ol man long olgeta hap bilong graun i mas tokim ol lida bilong ol long hariap long mekim samting.”—Alexandra Bell, presiden na CEO, Bulletin of the Atomic Scientists.

Yu ting taim bilong ol manmeri na dispela graun bilong yumi long bagarap i wok long kam klostu? Yu ting yumi mas pret long wanem samting bai kamap long bihain? Baibel i tok wanem?

Ol samting bai kamap long bihain

Baibel i tok, “graun i save stap oltaim oltaim” na bai i gat ol manmeri em ol “bai stap oltaim long en.” (Eklisiastis 1:4; Buk Song 37:29) So ol manmeri bai i no inap bagarapim graun bilong yumi o mekim samting na bai yumi no inap i stap long en, nogat.

Tasol Baibel i stori long pinis bai kamap. Olsem, em i tok “ol manmeri i stap longwe long God, ol bai pinis.”—1 Jon 2:17.

• Bilong kisim save moa long tok Baibel i mekim long pinis bilong ol manmeri i stap longwe long God, ritim atikol “Is the World Coming to an End? What Is the Apocalypse?”

• Bilong kisim save long tok Baibel i mekim long ol samting bai kamap, ritim atikol “When Will the World End?”

Wok yet long stap belgut

Baibel i ken helpim yumi long stap belgut maski ol hevi i wok long kamap long graun. Olsem wanem em inap helpim yumi?

• Baibel i kamapim ol edvais em yumi ken bihainim. (2 Timoti 3:16, 17) Olsem, ritim atikol “How to Control Worry” bilong kisim save long hau Baibel i ken helpim yu long stap belgut maski i gat ol hevi long laip bilong yumi.

• Baibel i kamapim olsem yumi inap wetim gutpela samting. (Rom 15:4) Em i stori gut long ol samting em yumi ken save ol bai kamap long nau na long bihain, na dispela i helpim yumi long wetim gutpela samting maski ol hevi i kamap long graun.

Bilong helpim yu long kisim sampela save moa long Baibel, mipela i kirapim yu long traim fri Baibel stadi kos bilong mipela long nau.