Bilong Helpim Ol Lain i Aipas

Long olgeta hap bilong graun, i gat olsem 43 milion manmeri i aipas na 295 milion husat i no inap lukluk gut.a Tasol sori tru, ol man i save mekim nogut long planti bilong ol dispela lain o i no mekim pasin fea long ol.

God i gat wanem tingting long ol manmeri husat i aipas? Baibel i tok wanem long ol? Na ol Witnes Bilong Jehova i mekim wanem bilong helpim ol long nau?

Tingting bilong God long ol lain i aipas

Baibel i kamapim klia olsem Jehovab i tingim tru ol manmeri husat i aipas. Em i laik bai ol man i mekim pasin fea long ol na ol i ken kisim helpim long skul em i kamapim. Na tu, em i tok ol i ken bilip na wet long gutpela samting bai kamap bihain.

Skripsa: “Bagarap i ken painim man i paulim rot bilong wanpela aipas man na em i no bihainim rot em i laik go long en.”​—Lo 27:18.

Skripsa: “God i save mekim wankain pasin long olgeta man.”​—Aposel 10:34.

Skripsa: Jisas “i mekim planti aipas i lukluk.”​—Luk 7:21.

Skripsa: “Ai bilong ol aipas bai lukluk.”​—Aisaia 35:5.

Mining: Jehova i promis olsem klostu nau, taim Kingdom Bilong God i bosim graun, ol lain i aipas ol bai inap long lukluk.

Ol Witnes Bilong Jehova i helpim ol

Long olgeta hap bilong graun, mipela ol Witnes Bilong Jehova i save stori wantaim ol lain i aipas long tok bilong God long samting ol i ken bilip na wet long en. Mipela i mekim dispela wok olsem wanem?

• Mipela i wokim Baibel, na tu ol pablikesen bilong stadi long Baibel na ol vidio long kain kain fomet bilong ol lain i aipas na ol lain husat i no inap lukluk gut, dispela i makim tu ol brel, bikpela rait, na ol odio.

• Mipela i save mekim ol miting Kristen na olgeta i welkam long kam, dispela i makim tu ol lain husat i aipas.

• Mipela i save mekim Baibel kos na wanpela inap i stap olsem tisa bilong skulim yu.c

Mipela i mekim olgeta dispela wok na mipela i no makim pe. Wai? Bikos Jisas i tok: “Yupela i kisim fri, olsem na yupela i mas givim fri.”​—Matyu 10:8.

Ol Witnes Bilong Jehova i tingim tru ol manmeri husat i aipas. Mipela i save givim helpim long olgeta husat i laik bung wantaim mipela long lotuim God. Lukim stori bilong sampela Witnes Bilong Jehova husat i aipas.

Talita Alnashi, long Swiden, i no inap lukluk gut kirap long taim em i bon. Kisim save long hau papamama bilong em i skulim em long Baibel na hau ol pren bilong ol i laikim na helpim ol.

Cynthia Pablo, long Filipins, i yaupas na aipas wantaim. Hau na ol wan lotu bilong em i helpim em long taim bilong bikpela hevi long COVID-19 pendemik? Kisim save long atikol “Congregation Supports Deaf and Blind Sister During Pandemic.”

Mipela i kamapim wanem ol samting bilong skulim ol man long Baibel?

Ol brel pablikesen. Mipela i wokim brel edisen bilong Baibel, long buk olgeta o hap bilong en, long planti tokples. (Bilong lukim lista bilong ol tokples, lukim blok “Baibel New World Translation Long Brel”) Na tu, mipela i wokim planti pablikesen bilong Baibel long brel. Long ol lain husat i laik lain long yusim brel, mipela i wokim wanpela buk, nem bilong en Learn to Read Braille. Dispela buk i bilong helpim wanpela i aipas long lain long ritim brel, em i ken mekim olsem wantaim helpim bilong wanpela husat inap lukluk.

• Kisim ol kopi bilong ol pablikesen long brel long rot bilong toktok wantaim wanpela Witnes Bilong Jehova o askim wanpela long kam lukim yu.

• Long jw.org, daunlodim ol fail bilong ol divais i gat notetaker.d

• Kisim kopi bilong ol pablikesen ol i wokim long bikpela rait long rot bilong toktok wantaim wanpela Witnes Bilong Jehova o askim wanpela long kam lukim yu.

• Long jw.org, daunlodim ol pablikesen long bikpela rait long fon na tablet samting we i wankain long ol kopi ol i prinim.

• Lukim o daunlodim odio long jw.org na long JW Library app.

• Long jw.org, daunlodim ol fail we i gat nek bilong rit, olsem nek i rit long skrin na nek i ritim sampela hap tasol yu makim.e

Ol vidio wantaim odio i kamapim stori bilong ol samting.f Ol Witnes Bilong Jehova i wokim ol vidio bilong Baibel we i gat odio long en bilong stori long ol samting i kamap long winim 100 tokples. Ol dispela vidio i helpim ol manmeri long kliagut na bihainim ol edvais bilong Baibel.

Lukim sampela eksampel bilong ol vidio wantaim odio i kamapim stori bilong ol samting:

• For a Happy Marriage

• The Bible Changes Lives

• Whiteboard Animations

• Painim wanpela hap bilong miting bilong kongrigesen.

• Kisim save long ol kibung bilong mipela we i save kamap long olgeta yia.

• Kam long Memorial bilong tingim dai bilong Jisas, em bikpela bung tru long olgeta yia.

José Luis Ayala i stap long Meksiko. Em i bon olsem yaupas na bihain taim em i gat 29 krismas em i kamap aipas. Kisim save long hau ol miting bilong mipela i helpim em na hau em i kisim helpim long kamap wanpela gutpela tisa bilong Baibel.