“Yupela Bai Harim Tok Long Ol Woa i Kamap”

“Mi bin givim ripot long winim 40 woa i kamap long olgeta hap bilong graun long ol yia we mi kirap wok, em ol yia insait long 1960 samting. Mi lukim woa i kamap namel long Amerika na Rasia i go bikpela tru, na bihain em i pinis. Tasol mi lukim olsem 2025 em yia we i gat planti hevi—i no bikos long planti ol bikpela woa i kamap, tasol bikos em i klia tru olsem wanpela bilong ol bai kamapim bikpela hevi long wok politik long olgeta hap bilong graun winim long bipo.”—John Simpson, BBC wol afes edita.

Ol manmeri i tingting planti long ol woa i kamap long olgeta hap bilong graun. Planti i laik save sapos ol woa bai pinis. Jisas i tok wanem?

Tok Jisas i mekim

Jisas i kolim ol samting yumi lukim long nau. Em i tokim ol disaipel bilong em: “Yupela bai harim tok long ol woa i kamap klostu na ol woa i kamap longwe.”—Matyu 24:6.

Maski ol woa na bikpela pait yumi lukim long nau i mekim yumi bel hevi, yumi gat gutpela risen long bilip na wet. Wai? Bikos Jisas i tok ol bikpela woa—na ol narapela samting, sindaun, na toktok na pasin bilong ol man—bai stap olsem “sain” bilong makim olsem “pinis bilong dispela taim i kamap pinis.” (Matyu 24:3; Luk 21:7) Dispela i makim olsem wanpela taim bai kamap na Jisas bai mekim ol woa i kamap olsem samting bilong bipo. Em bai mekim olsem wanem?

Samting Jisas bai mekim

Kostu nau, Jisas, olsem King Bilong Kingdom Bilong God, em bai “mekim i dai ol pait i kamap long olgeta hap bilong graun.”—Buk Song 46:9.

Bilong kisim sampela save moa long dispela taim klostu bai kamap we i gat bel isi, em bai kamap olsem wanem, na samting bai painim yu, ritim atikol “Rot Em Woa na Pait Bai Pinis.”