Lusim Haptaim Long Kisim Save Long God

Ol samting long i stap bilong yu bai kamap gut taim yu lusim haptaim long kisim save long God. Taim yu mekim olsem, dispela i soim olsem yu tingim tru ol samting long sait bilong bilip. Skelim tok Jisas i mekim long dispela topik.

Tok Jisas i mekim

“Ol man i hangre long kisim save long God, ol i ken amamas, long wanem, Kingdom bilong heven em i bilong ol.”​—Matyu 5:3.

• Yumi olgeta i laik kisim bekim bilong ol askim olsem: Wai na yumi stap laip? Wai na i gat planti pen na hevi? Wanem samting i kamap taim man i dai? Yumi bai stap amamas taim yumi kisim bekim bilong ol dispela askim.

“Man i no inap stap laip long bret tasol, nogat. Em i mas bihainim tu olgeta tok i kamap long maus bilong Jehova.”a—Matyu 4:4.

• Wankain olsem yumi nidim kaikai, yumi mas kisim tu kaikai long sait bilong bilip. Jisas i kamapim klia olsem oltaim yumi mas bihainim tok bilong God na bai yumi inapim dispela laik bilong kisim kaikai bilong bilip.

“Tok bilong yu em i tok i tru.”​—Jon 17:17.

• Jisas i kamapim namba wan rot we God i save inapim laik bilong yumi long kisim kaikai bilong bilip—long rot bilong Tok Bilong Em, Baibel.

Mipela i laik kirapim yu long painim amamas tru long rot bilong lusim haptaim long kisim save long God na inap laik bilong yu long kisim kaikai long sait bilong bilip. Hia em sampela samting we inap helpim yu:

• Ritim Baibel i nogat pe.

• Askim long mekim fri Baibel stadi kos wantaim wanpela.