Baakanyetsang Segopotso

A mongwe le mongwe, go akaretsa le sebui, o itsisitswe nako e e siameng le lefelo le moletlo o tla nnang kwa go lone? A sebui se itse gore thulaganyo ga e a tshwanela go feta metsotso e le 45?

A mongwe o filwe tiro ya go bona ditshwantshetso? (Bona Tora ya Tebelo ya February 15, 1990, ditsebe 16-18.) A go dirilwe dithulaganyo tsa gore tafole e tekiwe ka lesela la tafole le le phepa le digalase le dipoleite tse di lekaneng?

A go dirilwe dithulaganyo tsa go phepafatsa Holo ya Bogosi pele le morago ga foo? A go na le balebeledi le batho ba ba tsamaisang ditshwantshetso? A go ile ga tshwarwa pokano le bone gore go sekasekiwe ditiro tse ba tla di dirang? Ke eng se se tla dirwang go tlhomamisa gore dilo tsotlhe di tla dirwa sentle?

A go dirilwe dithulaganyo tsa go thusa bakaulengwe le bokgaitsadi ba ba tsofetseng le ba ba lwalang gore ba nne teng? Fa e le gore go na le bangwe ba e leng ba batlodiwa ba ba sa kgoneng go tsamaya mme ba se kitla ba kgona go nna teng, a go dirilwe dithulaganyo tsa gore ba ye go fiwa ditshwantshetso?