SEANE SE SE BOTLHALE

“Ba ba botlhale ba tla rua kgalalèlō; me dieleele di tla godisediwa ditlhoñeñ.”—Dia. 3:35.

Motho yo o bontshang botlhale jwa boammaaruri gantsi o newa tlotlo eo a neng a sa e senke. Tlotlo e e sa senkwang eno o e bona ka ntlha ya gore batho ba bangwe ba kgona go bona gore o dira mo tumalanong le kitso le temogo, gore ke motho yo o tlhomang sekao. (Dia. 12:8; 22:29) Mo ke ka gobo o senka le go ngaparela botlhale jwa bomodimo. (Yak. 3:13, 17) Abo “dieleele” tsone di farologane jang nne! Ba tlhokomela thata dilo tse di sa lereng tlotlo ya boammaaruri kana e e nnelang ruri mme e le tse di felelang ka go ba leretse ditlhong. Ka ntlha ya boeleele, ga ba bonele diphelelo tsa gone pele. Abo pharologano e kgolo jang nne gareng ga ‘yo o botlhale’ le ‘yo o seeleele’!