Iphe Nako ya go Itse Modimo

Botshelo jwa gago bo tla tokafala fa o ipha nako ya ithuta ka Modimo. Fa o dira jalo, o tla bo o nonotsha botsala jwa gago le Jehofa. Akanya ka se Jesu a neng a se ruta mo setlhogong seno.

Se Jesu a neng a se bua

“Go itumela batho ba ba lemogang gore ba tlhoka go ithuta ka Modimo.”—Mathaio 5:3.

• Rotlhe re batla go itse dikarabo tsa dipotso tse di tshwanang le tseno: Re tshelela eng? Ke eng fa go na le pogo e kana kana? Go diragala eng fa motho a swa? Go itse dikarabo tsa dipotso tseno go ka dira gore re itumele.

“Motho ga a tshwanela go tshela ka senkgwe fela, mme o tshwanetse go tshela ka lefoko lengwe le lengwe le le tswang mo molomong wa ga Jehofaa.”—Mathaio 4:4.

• Fela jaaka re tlhoka dijo go nonotsha mebele ya rona, gape re tlhoka go nna le kamano e e molemo le Modimo. Jesu o ne a tlhalosa gore re tlhoka go ikaega ka Modimo gore re nne le kamano e e molemo le ene.

“Mafoko a gago a boammaaruri.”—Johane 17:17.

• Jesu o ne a ruta gore tsela e re ka itseng Modimo ka yone ke ka go ithuta ka ene mo Lefokong la Gagwe e leng Baebele.

Re go kgothaletsa gore o iphe nako ya gore o ithute ka Modimo mme seno se tla go thusa gore o nne le boitumelo jwa mmatota. O ka thusiwa ke go dira dilo tse di latelang:

• Bala Baebele ga o tlhoke go duela.

• Kopa thuto ya Baebele ya mahala le mongwe yo o ka go rutang.