Dintlhakgolo Tsa Tirelo ya Tshimo

Tiro ya go rera e tswelela pele sentle kwa dithabeng tsa Lesotho. Go tloga ka September 2012, go ile ga kolobediwa barutwa ba basha ba le 126. Ka December, baboledi ba le 3 900 ba ile ba bega tirelo ya bone ya tshimo, e e bontshang gore go na le koketsego ya diperesente di le 7 go feta palogotlhe ya ngogola. Ba ile ba tshwara dithuto tsa Baebele di le 6 347, se se bontshang gore tshimo e siametse go rojwa. Re itumela le bakaulengwe ba rona ba kwa Lesotho go bo go na le batho ba le bantsi jaana ba ba dipelo di phepa ba ba ologelang kwa thabeng ya ga Jehofa ya kobamelo ya boammaaruri.—Isa. 2:1-4.