Thulaganyo ya Pokano ya Tirelo

Beke e e Simololang ka June 14

Pina 168

10 mets: Dikitsiso tsa phuthego. Dikitsiso tse di tlhophilweng go tswa go Tirelo ya Rona ya Bogosi. Dira gore go nne le dipontsho tsa kafa go ka tsamaisiwang ka gone Tora ya Tebelo ya June 15 le Tsogang! ya July 8 go dirisiwa dikakantsho tse di mo go tsebe 4 (fa e le gore di tshwanela tshimo ya lona). Mo puisanong e nngwe, dira gore mmoledi a rere mo tshimong ya kgwebo. Go ka nna ga dirisiwa dipuisano tse dingwe tse di ka tshwanelang.

20 mets: “Jehofa o Thusa Ba ba Mo Ikanyang.”a Fa o tlotla ka serapa 4, akaretsa dikakgelo tse di mo go Tirelo ya Rona ya Bogosi ya December 1999, tsebe 4, serapa 8-9 (mo CD-ROM fela), le tse di mo bukeng ya Sekolo sa Bodiredi, tsebe 67, serapa 2. 

15 mets: Ke ka Ntlha Yang fa re Tshwanetse go Tila go se Dirise Diokobatsi ka Tshwanelo? Motlotlo le bareetsi o o theilweng mo bukeng ya Go Fetolana, tsebe 141-4. Go tlwaelegile gore batho ba dirise diokobatsi ba re ba “intsha bodutu” fela. Ba le bantsi ba bone ba bolela gore go dirisa diokobatsi ka tsela eo ga go kotsi; e bile ba bangwe ba buelela gore diokobatsi di dumelelwe semolao. Tlhalosa kafa re ka thusang batho ba ba akanyang jalo ka teng. Akaretsa dikakgelo tse di mo makasineng wa Tsogang! ya November 8, 1999 mo lebokosong le le mo go tsebe 10.

Pina 179 le thapelo e e konelang.

Beke e e Simololang ka June 21

Pina 29

10 mets: Dikitsiso tsa phuthego. Dikgang Tsa Puso ya Modimo.

15 mets: “Baengele Ba a Re Thusa.”b Fa nako e letla, kopa bareetsi gore ba akgele ba dirisa ditemana tse di umakilweng.

20 mets: Botlhale jo bo Tswang Kwa Godimo bo Tekatekano. (Jak. 3:17) Puo le motlotlo le bareetsi o o theilweng mo bukeng ya Sekolo sa Bodiredi, tsebe 251-2. Go raya eng go nna tekatekano? Ke ka ntlha yang fa go le botlhokwa mo bodireding jwa rona? Re ka ithuta eng mo sekaong sa ga moaposetoloi Paulo? Baboledi ba ka akanyetsa jang tsela e batho ba mo tshimong ya bone ba godisitsweng ka yone? Re ka thusa baithuti ba Baebele jang gore ba bontshe go nna tekatekano? Rulaganya go sa le gale gore motho a le mongwe kana ba le babedi ba bolele maitemogelo a a bontshang melemo ya go bua le batho re le tekatekano.

Pina 53 le thapelo e e konelang.

Beke e e Simololang ka June 28

Pina 139

12 mets: Dikitsiso tsa phuthego. Pego ya diakhaonto. Gakolola baboledi gore ba tlise dipego tsa tirelo ya tshimo tsa June. Dira gore go nne le dipontsho tsa kafa go ka tsamaisiwang ka gone Tora ya Tebelo ya July 1 le Tsogang! ya July 8 go dirisiwa dikakantsho tse di mo go tsebe 4 (fa e le gore di tshwanela tshimo ya lona). Mo go nngwe le nngwe ya tsone dira gore mmoledi a bue ka tsela e e botsalano kwa tshimologong. Umaka gore go dira jalo go ka thusa mong wa ntlo gore a gololesege.

15 mets: Dilo tse phuthego ya lona e tlhokang go di ela tlhoko.

18 mets: “Thuto ya Buka ya Phuthego—Lebaka La go Bo re E Tlhoka.”c Dirisa dipotso tse di gatisitsweng. Akaretsa dikakgelo tsa setlhogo se se reng “Thusa Molebedi wa Gago wa Thuto ya Buka ya Phuthego,” se se tlhagang mo go tsebe 1 ya Tirelo ya Rona ya Bogosi ya November 2002.

Pina 20 le thapelo e e konelang.

Beke e e Simololang ka July 5

Pina 3

10 mets: Dikitsiso tsa phuthego.

15 mets: O Tla Reng? Puo le motlotlo le bareetsi. Mo kgweding ya July le August re tla bo re tsamaisa diboroutšhara. Ke diboroutšhara dife tse baboledi ba di fitlhetseng di na le matswela mo tshimong ya lona? Boeletsa dipuisano tse di akantshitsweng tse di tswang mo go Tirelo ya Rona ya Bogosi ya July 1998, tsebe 8 kgotsa mo dikgatisong tse dingwe tsa dingwaga tse di fetileng. Gatelela gore puisano nngwe le nngwe e akaretse (1) potso, (2) temana, le (3) ntlha nngwe e e ka buelelwang go tswa mo kgatisong eo. Dira pontsho ka e le nngwe kana di le pedi tsa dipuisano tseo. Kgothaletsa botlhe gore ba dirise Baebele fa ba bolela dikgang tse di molemo.

20 mets: Se Bana ba se Tlhokang mo Batsading. Puo le motlotlo le bareetsi o o theilweng mo bukeng ya Ithute mo Morutising yo Mogolo, tsebe 6-7. Go botlhokwa gore bana ba ithute melaometheo ya Baebele e e dirisiwang mo kobamelong ya boammaaruri le go tlhaloganya seabe se batsadi ba nang le sone mo go ba thapiseng. Tlotla ka dikakantsho tse di neetsweng tsa go ithuta buka eo. Kopa batsadi gore ba bolele gore ba dirisitse jang sedirisiwa seno sa go ithuta. Kopa ngwana a le mongwe kana ba babedi gore ba bolele gore ke ka ntlha yang fa ba rata buka eno.

Pina 65 le thapelo e e konelang.

[Dintlha tse di kwa tlase]