Dipokano Tsa Tirelo Tsa April
Beke e e Simololang ka April 7
Pina 100
12 mets: Dikitsiso tsa phuthego ya lona. Dikitsiso tse di tlhophilweng go Tirelo ya Rona ya Bogosi. Umaka dintlha tse di ka buelelwang mo dimakasineng tsa bosheng. E re ka eno e le kgwedi ya tirelo e e kgethegileng, kgothaletsa botlhe—ba basha le ba ba tshwanelegang go nna baboledi ba ba sa kolobediwang—go nna le seabe mo tirelong ya tshimo. Kgothaletsa phuthego gore e gagamalele go nna le tlhora e ntšha ya baboledi.
15 mets: “Matshutitshuti a Ntse a Okediwa.” Dipotso le dikarabo. Boeletsa dikakantsho tsa konokono tse di mo makasineng wa Tora ya Tebelo ya August 15, 1993, ditsebe 12-17.
18 mets: “Thusa Ba ba Se Nang Maitemogelo go Tlhaloganya.” Dipotso le dikarabo. Sekaseka dikarolo tsa boroutšhara jwa Re Direng: tsela ya go ithuta e e tlhofofaditsweng, dipotso tse di tshwanelang, ditshwantsho tse di gogelang, Dikwalo tse dintsi tse di umakiwang. Gatelela mokgele wa go simolola dithuto tse kgabagare di tla tshwarwang ka buka ya Kitso. Dira gore mmoledi yo o tshwanelang a bontshe tsela ya go simolola thuto a dirisa mokgwa o o mo go serapa 4. Kgothatsa batsadi botlhe mo phuthegong go ithuta boroutšhara jono le bana ba bone ba babotlana.
Pina 130 le thapelo e e konelang.
Beke e e Simololang ka April 14
Pina 107
10 mets: Dikitsiso tsa phuthego ya lona. Pego ya diakhaonto. Dikgang Tsa Puso ya Modimo. Fa nako e letla, bolela maitemogelo mangwe a mo lefelong la lona a a amanang le go tsamaisiwa ga boroutšhara jwa Re Direng kana a a amanang le go simolola thuto ya Baebele go dirisiwa jone.
15 mets: “Go Kaela Baithuti Kwa Mokgatlhong o o Emelwang ke Leina la Rona.” (Dirapa 1-6) Dipotso le dikarabo. Bala dirapa 5-6 le dikwalo tse di umakilweng. Anela ka maitemogelo a phuthego ya lona a a bontshang tsela e baithuti ba Baebele ba ileng ba arabela ka teng fa ba bona bidio ya Jehovah’s Witnesses—The Organization Behind the Name.
20 mets: “Ruta ba Bangwe se Modimo o Batlang re se Dira.” Motlotlo le bareetsi ka dirapa 1-4. Dira gore go nne le pontsho ka dipuisano tsa serapa 5 go dirisiwa diseting tse nnè tse di farologaneng—mo mmileng, mo ntlong, mo lefelong la kgwebo le mo parakeng. Gakolola botlhe gore ba itseele diforomo tsa peeletso, diboroutšhara le dimakasine go di dirisa mo tirelong ya tshimo pele ga ba tswa mo Holong ya Bogosi maitseboeng ano.
Pina 126 le thapelo e e konelang.
Beke e e Simololang ka April 21
Pina 113
15 mets: Dikitsiso tsa phuthego ya lona. Tlhalosa gore ga go ise go nne thari go tlisa kopo ya go nna mmulatsela yo o thusang ka May. Sekaseka Lebokoso la Dipotso, o bo o itsise phuthego fa e le gore go na le dingwe tse di tlhokegang go tlatsa laeborari e e mo Holong ya Bogosi.
15 mets: “Go Kaela Baithuti Kwa Mokgatlhong o o Emelwang ke Leina la Rona.” (Dirapa 7-14) Dipotso le dikarabo. Dira gore morutisi yo o nang le bokgoni a bontshe ka moo a buisanang le moithuti go tswa pelong ka gone ka ga botlhokwa jwa go nna gone kwa dipokanong.
15 mets: Go Dirisa Dikgatiso Tsa Rona ka Tsela e e Molemo. Puo ka mogolwane. (Bona Tirelo ya Rona ya Bogosi ya September 1995, ditsebe 5-6.) Dipego di bontsha gore gantsi diphuthego di otora dimakasine tse di fetang tse di di tsamaisang kgwedi nngwe le nngwe. Mo e ka nnang diperesente di le 50 tsa tsone ga di ke di begiwa e le tse di tsamaisitsweng. (Bolela gore dipalo tsa phuthego ya lona di bontsha eng.) Go diragalang ka dimakasine tseno? Bontsi jwa tsone di felela mo shelofong kana di a latlhiwa. Re ka tila seno jang? Mmoledi mongwe le mongwe o tshwanetse go fopholetsa ka kelotlhoko gore o tla tlhoka tse kae mme a otare tsone fela tse a tla di tsamaisang. Go dire mokgwa go tsamaisetsa mongwe le mongwe yo re kopanang le ene dimakasine. Se letle gore dimakasine tse di fetilweng ke nako di senyege. Nna le seabe mo tirelong ya dimakasine ka metlha.
Pina 128 le thapelo e e konelang.
Beke e e Simololang ka April 28
Pina 121
15 mets: Dikitsiso tsa phuthego ya lona. Gakolola botlhe gore ba tlise dipego tsa bone tsa tirelo ya tshimo tsa April. Itsise maina a ba ba tla nnang babulatsela ba ba thusang ka May. Bolela ka dithulaganyo tse di oketsegileng tse di dirwang mo lefelong la lona tsa dipokano tsa tirelo. Go tshwanetse ga dirwa maiteko a a kgethegileng ka May go boela kwa go ileng ga tsamaisiwa diboroutšhara gone ka maikaelelo a go simolola dithuto. Ka bokhutshwane akantsha ditsela tse ka botlhale re ka kopang maina le diaterese tsa batho ka tsone ba re ba rerelang ka tsela e e seng ya ka tlwaelo. O ka nna wa bolelela motho leina le aterese tsa gago pele o bo o mmotsa gore a o na le nomoro ya founo kwa o ka mo founelang gone. Kopa bareetsi gore ba bolele dikakantsho tse dingwe tse di ileng tsa dira mo go bone.
15 mets: “Ke ka Ntlha Yang Fa ba Go Dira?” Mogolwane o sekaseka setlhogo seno le babulatsela ba ka metlha ba le babedi kana ba le bararo. (Fa ba seyo, dirisa bangwe ba ba nang le go ikwadisa go nna babulatsela ba ba thusang nako le nako.) Akaretsa dintlhakgolo tse di mo setlhogong se se reng “Babulatsela ba Lere le go Amogela Masego,” mo makasineng wa Tora ya Tebelo ya January 15, 1994. Dira gore mongwe le mongwe wa bone a tlhalose gore ke ka ntlha yang a tsere tirelo ya bobulatsela. Ba kope gore ba bolele maitemogelo a a bontshang ka moo ba ileng ba segofadiwa ka gone ka ntlha ya go dira jalo.
15 mets: Ditlhokafalo tsa phuthego ya lona. Bagolwane ba ka nna ba dirisa nako eno go neela tshedimosetso ka ditlhokafalo tse di rileng tsa phuthego.
Pina 129 le thapelo e e konelang.