Dipotso Tse Di Tswang Go Babadi
◼ Fa e le gore Mokeresete o ka seke a nne gone mo ketekong ya Selalelo sa Morena, o tshwanetse go dirang?
Go botlhokwa gore Bakeresete ba nne gone mo ketekong ya ngwaga le ngwaga ya Selalelo sa Morena, ka jaana Jesu a ne a re fa a ne a se simolodisa: “Dihañ mo, lo nkgopolè ka gōna.” (Luke 22:19) Bakeresete ba pele ba ne ba dira jalo. Moaposetoloi Paulo ka gone o ne a kgona go kwalela bakaulengwe ba kwa Korintha bao ngwaga le ngwaga ‘ba neng ba kopana jaaka phuthego,’ kana ‘ba phuthega mmogo,’ go nnela Segopotso sa loso lwa setlhabelo lwa ga Jesu. (1 Bakorintha 11:20, The New English Bible, NW) Mme ke eng seo ba ka neng ba ile ba se dira ka selalelo mo maemong a a boima‘? Ka sekai, ke eng seo Paulo ka boene a neng a se dira mo dingwageng tseo a neng a le mo kgolegelong (a disitswe mme e bile gongwe a golegilwe) mo Kaesarea?—Ditihō 23:35; 24:26, 27.
Ponong ya taolo e e papametseng ya ga Jesu, le e leng fa Paulo a ne a le nosi mo pakeng ya Selalelo sa Morena, tota ruri o ka nna a bo a ile a tlhatlhoba dintlha tsa Dikwalo kaga tiragalo eo. Ka jaana e ne e le Mokeresete yo o tloditsweng ka moya, o ne a tla bo a ile a dira maiteko otlhe go ja dilo tseo di neng di tshwanela tota go ka dirisiwa jaaka ditshwantshetso. Beine e ne e le seno se se tlwaelegileng ka nako eo, jalo lefa a ne a le legolegwa Paulo o ka nna a bo a ile a nna le beine le mofuta mongwe wa senkgwe go di dirisa. Seo se ne se bile se ka nna jalo fa e ne ya re moragonyana a tswalelwa mo Roma. koo a neng a dumelelwa go nna le baeng Gongwe e bile bangwe ba bakaulengwe ba ba tswang Roma ba ne ba leka le e leng ‘go phuthega mmogo’ le ene ka setlhopha se se botlana go keteka Selalelo sa Morena.—Ditihō 28:30.
Go dikologa lefatshe gompieno, diphuthego tsa Basupi ba ga Jehofa di kokoana mmogo mo letsatsing leo le nyalanang le Nisane 14 Segopotsong sa loso lwa ga Keresete. Mme fa gongwe go diragala dikgoreletsi tse di sa tlwaelegang. Mo dipakeng dingwe. matsubutsubu a a bogale kana merwalela di ile tsa kganela phuthego, kana mangwe a maloko a yone, go ka kopana mmogo jaaka fa go ne go rulagantswe. Mo mabakeng a a sa tlwaelegang thata, melao ya sesole e ile ya bo e le gone e bile go le masole ao a tshotseng dibetsa mme a kganela baagi go ka tswela kwantle morago ga phirimo ya letsatsi. Bakeresete bangwe ba ile ba seka ba kgona go nna gone kwa ketekong ya phuthego ka ntlha ya go bo ba le mo sepatela kana ba lwala thata-thata. Go ka dirwang mo maemong a a ntseng jalo?
Lefa go tshwanela gore phuthego yotlhe e kopanele mmogo tiragalong eno e e botlhokwa, maemo a a jaaka ao a kailweng fa godimo a ka dira gore seo se se kgonege Fa seemo se se maswe sa loapi, kudumedi nngwe ya tlholego, kana se se tshwanang, di iletsa gore lelapa lengwe kana karolo nngwe e e rileng ya phuthego ba se kopanele le phuthego, bao ba leng nosi koo ba ka kopana le go buisanya ka dipolelo tsa Dikwalo jaaka tseo di fitlhelwang go Luke 22:7-23, 28-30 le; 1 Bakorintha 11:20-31, gammogo le go buisanya ka seo se kaiwang ke paka eo. Ka mo go tshwanang, fa kganelo nngwe e e rileng e thatafatsa gore phuthego e ka kopanela mmogo mo bosigong jo bo tshwanetseng, go kopanela ka ditlhopha tsa Thuto ya Buka ya Phuthego kana ditlhopha tsa baagelani e ka nna dilo tse di ka tshwanelang, jalo kakaretso ya bao ba ileng ba nna gone e direla jaaka pego ya ba ba leng gone ba phuthego Go bile go ka nna ga neelwa puo e khutshwane fa go na le mokaulengwe mongwe yo o tshwanelegang, yo o ineetseng mo setlhopheng seo. Ga go a tshwanela gore go nne le tshwenyego epe ya gore ga go ditshwantshetso tse di tshwanetseng fa fela go se ope gareng ga seemo seno se se potlakileng yo o kileng a ja ga senkgwe le beine e le Mokeresete yo o tloditsweng go le pele.
Molao wa Modimo go lseraele o ne o na le thulaganyo e e kgethegileng ka mongwe yo o neng a se mo boemong jwa go ka tlhakanela mo sejong sa ka metlha sa Tlolaganyo; motho wa go nna jalo o ne a ka dira seo kgwedi (malatsi a le 30) moragonyana (Dipalō 9:10, 11; 2 Ditihalō 30:1-3, 15) Ka mo go tshwanang, mo boemong jo bo feteletseng fa mongwe wa Baiseraele ba semoya tota-tota a ka seke a kgone go nna teng kana go ka fiwa ditshwantshetso ka Nisane 14, ene o ka tlhakanela mo go tsone malatsi a le 30 moragonyana. Seno se tla raya fela mo Mokereseteng yo o tloditsweng yo o laotsweng go ja ga senkgwe le beine.—Bagalatia 6:16.
Ka April 4, 1985, morago ga go phirima ga letsatsi, diphuthego tsa Bakeresete ba boammaaruri go dikologa lefatshe di tla phuthega e le kutlong ya taolo ya ga Jesu e e reng: “Dirang seno jaaka segopotso sa me.” Re go laletsa go kopanela le bone.—1 Bakorintha 11:25, NE.