O Bolokilwe ke Pampitshana

“Ke ne ke feditse mogopolo gore mo mosong ono ke ne ke ya go ipolaya,” ga bolela jalo mosadi mongwe fa a bua le tsala ya gagwe ka founu. O ne a bolela go re o ne a tla tsena mo koloing ya gagwe a ba a e faposa mo borogong.

Tiragalo eno e ne ya bolelelwa Basupi ba ga Jehofa ba babedi ke tsala ya bone jaaka ba ne ba mo etetse mo mosong mongwe. Erile a ntse a tsweletse, tsala ya bone ya bolela gore o ne a tswelela ka go botsa mosadi yoo gore ke eng se se fetotseng mogopolo wa gagwe.

“Ke ne ke ipaakantse mme ka tswa ka kgoro ya lebati la me,” mosadi a fetola jalo. “Mme e ne ya re jaaka ke ne ke dira jalo, ke ne ka bona pampitshana e e neng e bua ka mongwe yo o amegang, mongwe yo o go ratang, e lebisitse go Modimo.” Lekametlwana leo, kana pampitshana eo, e ne ya mo emisa go tsweledisa thulaganyo ya gagwe. Mme e ne e tswa kae?

“Lekametlwana leo le ne le tlogetswe ke mongwe wa Basupi ba ga Jehofa,” mosadi a tlhalosa jalo. E ne ya boloka botshelo jwa gagwe!