‘Di Thusitse Lenyalo la Rona’

EO E NE e le kakgelo ya ga Glenn, monna mongwe wa Louisiana. “Fa ke ne ke kopana le Glenn lwa ntlha,” ga kwala mongwe wa Basupi ba ga Jehofa, “o ne a le kafa tlase ga koloi ya gagwe, mme o ne a tswa mogo one mme a reetsa neelano ka kelotlhoko. Kwantle go kgano epe o ne a amogela dipeeletso tsa dimakasine tsa Tora ya Tebelo le Awake! Go ne ga feta beke pele re ka bona ope gape mo gae. E ne yare labofelo ra kopana le mosadi wa gagwe, yo o neng a re: ‘Ee, o ne a mpolelela fa a tla beeletsa dimakasine tseo. Ke ne ka gakgamala ka go bo ga ke a dira peeletso ya sepe. Mme legale di setse di simolotse go goroga mme, rra a bo di le molemo jang ne! Re di bala mmogo bosigo. Fa di fela, re tla a di shafatsa eleruri!’

“Re ne ra rulaganyetsa go boela rre le mme botlhe ba le teng mo gae, mme ba ne ba re emetse ka nako e e beilweng. Re ne ra simolola thuto ya Bibela. Glenn o ne a akgela ka gore: ‘Dimakasine tseo eleruri di molemo tota. Di setse di thusitse lenyalo la rona. Fa ke goroga mo lapeng ka nako ya dijo tsa motshegare, ke botsa Becky fa ele gore a e nngwe e gorogile.’”

Le wena gape o ka nna le dimakasine tse pedi tse di thailwengmo Bibeleng di tlisiwa mo lapeng la gago ka go tlatsa le go romela foromonyana e e fat lase.

Tswee-tswee nthomeleleng peeletso ya ngwaga ya Tora ya Tebelo le Awake!; ke romela le R9,60