Boammaaruri bo Fitlhetswe fa go sa Solofelwang

Lokwalo lo lo latelang lwa monna mongwe kwa Hartford, Connecticut, lo ne lwa amogelwa kwa ntlong-kgolo ya Basupi ba ga Yehofa:

Go Mang Le Mang Yo O Amegang:

Ke batla go itse fa bukana ya Boamarure jo bo isang Botshelong jo Bosakhutleng e gatisiwa ke Basupi ba ga Jehofa. Tswee-tswee lo nkwalele lo bo lo mpolelele gore buka eo ke ya bodumedi bofe. Ke kgatlhegela go itse ka go bo moso mongwe jaaka ke ne ke tsamaya mo mmileng o mogolo wa Hartford, ke ne ka bukana eno e latlhetswe mo matlakaleng. Ke ne ka gogelwa ke setlhogo. . . .

Ke Mokatoloki ka go bo eo ke tumelo e batsadi ba me ba e nthutileng, eseng ka go bo segakolodi sa me se mpolelela jalo. Go seo ke se bonang mo bukeng eno, ke dumela gore ke bone se ke neng ke se batla dingwaga-ngwaga—Boammaaruri. Mme ke bo bone mo mokoweng wa matlakala—Labotlhano mongwe ka nako ya 9 mo mosong, ka Sedimonthole 4, 1981. Tswee-tswee nthomeleleng aterese ya Hartford ya kereke ya bodumedi jo buka e e leng ya jone.

Ke lo eleletsa ngwaga o mosha o o itumetseng.

Weno Ruri,

A. C. G.

O ka nna wa ikamogelela buka ya ditsebe tse 192 ya “Boamarure jo bo isang Botshelong Jo Bosakhutleng” ka go tlatsa le go romela foromonyana e e fa tlase.