ንመርኣዪ ዚኸውን ኣቀራርባታት

ግምቢ ዘብዐኛ 1 ጥሪ

“ኣብ መንግስትታት ዚርአ ብልሽውና መፍትሒ ዘይተረኽቦ ሽግር ኰይኑ ዝጸንሐ እዩ ዚመስል። ከምኡ ዝዀነ ስለምንታይ ይመስለካ፧ [መልሲ ተጸበ።] እዛ ጥቕሲ መጽሓፍ ቅዱስ እዚኣ ኣገዳሲት ኰይና እየ ረኺበያ። [መክብብ 7:20 ኣንብብ።] እዛ መጽሔት እዚኣ፡ ናይ ብልሽውና መፍትሒ እንታይ ምዃኑ ኻብ መጽሓፍ ቅዱስ ትገልጽ። እዚኣ ንዓኻ እያ። በጃኻ ግዜ ወሲድካ ኣንብባ።”

ንቕሑ! ጥሪ

“ብዙሓት ሰባት፡ ፍልቀት ብዛዕባ መበቈል ህይወት ከም ዚገልጽ ይኣምኑ፡ ገሊኦም ግና ይጠራጠሩ እዮም። ህይወት ብኸመይ ዝጀመረ ይመስለካ፧ [መልሲ ተጸበ።] ዓሰርተታት ዓመታት ዝወሰደ መጽናዕቲ፡ ህይወት ኣቐዲሙ ኻብ ዝጸንሐ ህይወት ከም ዝመጸ እዩ ዚገልጽ። እዚ መግለጺ ድማ፡ ምስ እዚ ዚስዕብ ሓሳብ መጽሓፍ ቅዱስ ዚሰማማዕ እዩ። [መዝሙር 36:9 ኣንብብ።] እዛ መጽሔት እዚኣ፡ ብዙሓት ሰባት ህይወት ኣዝዩ እተሓላለኸን ዜደንቕን ብምዃኑ፡ ካብ ፍልቀት ኪመጽእ ከም ዘይኽእል ዝደምደምሉ ምኽንያት እንታይ ምዃኑ ትገልጽ።”