ናይ 1999 ቲኦክራሲያዊ ኣገልግሎት ቤት ትምህርቲ መደብ — ቤተ መጻሕፍቲ ኢንተርነት ግምቢ ዘብዐኛ

ናይ 1999 ቲኦክራሲያዊ ኣገልግሎት ቤት ትምህርቲ መደብ

መምርሒ

ኣብ 1999 ቲኦክራሲያዊ ኣገልግሎት ቤት ትምህርቲ ክካየድ ከሎ እዚ ዝስዕብ ምድላዋት ክህሉ ኢዩ።

እቲ ክፍልታት እተመስረተሉ ጽሑፍ:- መጽሓፍ ቅዱስ: ግምቢ ዘብዐኛ [w-E]: ንቕሑ! [g-E]: ‘ኵሉ ቅዱስ ጽሑፍ መንፈስ ኣምላኽ ዝነፈሶን ጠቓምን ኢዩ ’ (1990 ሕታም) [si-E]: መፍትሕ ሓጐስ ስድራቤት [fy-TI]: ከምኡውን ኣብ ምድሪ ይነብሩ ካብ ዝነበሩ እቲ ዝዓበየ ሰብኣይ [gt-TI] ነቲ ዝዋሃብ ክፍልታት መሰረት ክዀኑ ኢዮም።

እቲ ቤት ትምህርቲ ብመዝሙርን ብጸሎትን ብናይ እንቋዕ ደሓን መጻእኩም መግለጽን ኣብ ግዜኡ ክጅምር ኣለዎ: ብድሕሪኡ በዚ ዝስዕብ ይቕጽል:-

ክፍሊ ቍ. 1:- 15 ደቒቕ። እዚ ብሓደ ሽማግለ ወይ ኣገልጋሊ ጉባኤ ክዋሃብ ይግብኦ: ኣብ ግምቢ ዘብዐኛ: ንቕሑ!: ወይ ከኣ ኣብታ ‘ኵሉ ቅዱስ ጽሑፍ መንፈስ ኣምላኽ ዝነፈሶን ጠቓምን ኢዩ ’ እትበሃል መጽሓፍ እተመስረተ ይኸውን። እዚ ክፍሊ እዚ ኣብ ግምቢ ዘብዐኛ ወይ ኣብ ንቕሑ! እተመስረተ ምስ ዝኸውን ከም ናይ 15 ደቒቕ ሃናጺ ዝርርብ ኰይኑ ብዘይ ናይ ቃል ድግማ ክቐርብ ይግብኦ፣ ኣብ መጽሓፍ “ኵሉ ቅዱስ ጽሑፍ ” እተመስረተ ምስ ዝኸውን ድማ ካብ 10 ክሳዕ 12 ደቒቕ ሃናጺ ዝርርብ ምስ ተዋህበ ካብ 3 ክሳዕ 5 ደቒቕ ድማ ኣብቲ ጽሑፍ ዘሎ ሕቶ ተጠቒምካ ናይ ቃል ድግማ ብምግባር ክቐርብ ይግብኦ። ዕላምኡ ነቲ ጽሑፍ ንምሽፋን ዘይኰነስ ነታ ጉባኤ ብዝበለጸ ዝጠቕማ እንታይ ምዃኑ እናኣጕላሕካ ኣብ ተግባራዊ ኣዋዓዕላ ናይቲ ዝዝረበሉ ዘሎ ሓበሬታ ንምትኳር ክኸውን ኣለዎ። እቲ ተዋሂቡ ዘሎ ኣርእስቲ ክዝውተር ኣለዎ።

እቶም ነዚ ዝርርብ እዚ ክህቡ እተመዘዙ ኣሕዋት ነቲ እተመደበሎም ግዜ ንኽሕልዉ ጥንቃቐ ክገብሩ ይግብኦም። ናይ ብሕቲ ምኽሪ እንተድኣ ተዋሂብዎም: ኣብቲ ናይ ዝርርብ ምኽሪ መውሃቢ ወረቐቶም ምልክት ክግበረሉ ኣለዎ።

ካብ ንባብ መጽሓፍ ቅዱስ ዝጐልሑ ሓሳባት:- 6 ደቒቕ። እዚ ብሓደ ነቲ ጽሑፍ ምስታ ጉባኤ ብዝሰማማዕ ስሉጥ መገዲ ገይሩ ከቕርብ ዝኽእል ሽማግለ ወይ ኣገልጋሊ ጉባኤ ክዋሃብ ይግባእ። እዚ ናይቲ እተመደበ ንባብ ድግማ ጥራይ ክኸውን የብሉን። ናይቲ እተመደበ ምዕራፋት ሓፈሻዊ ድግማ ካብ 30 ክሳዕ 60 ካልኢት ኣብ ዘሎ ግዜ ከጠቓልሎ ይኽእል ኢዩ። ይኹን እምበር: እቲ ቐንዲ ዕላማ: ሰማዕቲ እቲ ሓበሬታ ስለምንታይን ብኸመይን ከም ዝጠቕመና ምእንቲ ኽግንዘብዎ ንምሕጋዞም ኢዩ። ብድሕርዚ እቶም ተማሃሮ በቲ ናይቲ ቤት ትምህርቲ ተዓዛቢ ናብቲ እተፈላለየ ክፍልታቶም ይፋነዉ።

ክፍሊ ቍ. 2:- 5 ደቒቕ። እዚ ናይቲ እተመደበ ክፍሊ ንባብ መጽሓፍ ቅዱስ ኰይኑ ብሓደ ሓው ክዋሃብ ዘለዎ ኢዩ። እዚ ኣብቲ ቐንዲ ቤት ትምህርትን ኣብተን ተወሰኽቲ ጉጅለታትን ይውዕል ኢዩ። እቲ ተማሃራይ ኣብ መእተውን መደምደምታን ሕጽር ዝበለ መግለጺ ምእንቲ ኽህብ እቲ ናይ ንባብ ክፍሊ መብዛሕትኡ ግዜ ሕጽር ዝበለ ኢዩ። ናይ ታሪኽ መረጋገጺ: ትንቢታዊ ወይ ሰረተ-እምነታዊ ትርጕም: ከምኡውን ናይ መሰረታዊ ስርዓታት ኣወዓዕላ ክውሰኾ ይከኣል ኢዩ። ኵሎም እቶም እተመደቡ ጥቕስታት ኣብ መንጎ ከየቋረጽካ ክንበቡ ኣለዎም። ርግጽ ኢዩ: እቲ ዝንበብ ጥቕስታት ተኸታታሊ ምስ ዘይከውን እቲ ተማሃራይ ነታ ቐጺላ እትመጽእ ቍጽሪ ክጠቕሳ ይኽእል ኢዩ።

ክፍሊ ቍ. 3:- 5 ደቒቕ። እዚ ክፍሊ እዚ ንሓንቲ ሓብቲ ዝዋሃብ ኢዩ። ትሕዝቶ ናይዚ ኣቀራርባ እዚ ኣብታ “መፍትሕ ሓጐስ ስድራቤት” እተመስረተ ኢዩ። እቲ ኣቀራርባ ብናይ እግረ-መገዲ ምስክርነት: ተመላሊስካ ምብጻሕ: ናይ ቤት ጽንዓት መጽሓፍ ቅዱስ: ወይ ብገለ ካልእ መዳይ ናይ ግራት ኣገልግሎት ዝቐርብ ክኸውን ይኽእል ኢዩ። ሓድሓደ ግዜውን: ሓንቲ ኣደ ንሓንቲ (ንሓደ) ቘልዓ ሓሳባት ከተካፍላ(ሎ) ኸላ ዘርኢ ክኸውን ይኽእል ኢዩ። እተን ክፍሊ ዘቕርባ ኮፍ ኢለን ወይ ደው ኢለን ክህባ ይኽእላ ኢየን። እቲ ናይቲ ቤት ትምህርቲ ተዓዛቢ: ብፍላይ ኣብቲ እታ ተማሃሪት ነታ በዓልቲ ቤት ወይ ነታ(ቲ) ቘልዓ ነቲ ጽሑፍ ክትገልጽን ቅዱሳት ጽሑፋት ድማ ብኸመይ ኣብ ግብሪ ከም ዝውዕል ንኸተረድእን እትጥቀመሉ መገዲ ከተኵር ኢዩ። እታ ነዚ ኽፍሊ እዚ እተመደበት ተማሃሪት ምንባብ እትኽእል ክትከውን ኣለዋ። በቲ ተዓዛቢ ናይቲ ቤት ትምህርቲ ሓንቲ ሓጋዚት ይምደበላ ኢዩ: ተወሳኺ ሓጋዚት እውን ክግበር ይከኣል ኢዩ። እታ በዓልቲ ቤት ገለ ዓንቀጻት ከተንብብ ድያ ኣይከተንብብን እታ ተማሃሪት ክትውስን ትኽእል ኢያ። ብቐዳምነት ክሕሰበሉ ዝግባእ ፍረ ዘለዎ ኣጠቓቕማ ናይቲ ኽፍሊ ድኣ እምበር መልክዕ ኣቀራርብኡ ኣይኰነን።

ክፍሊ ቍ. 4:- 5 ደቒቕ። ንሓደ ሓው ወይ ንሓንቲ ሓብቲ ይዋሃብ። ንነፍሲ ወከፍ ክፍሊ ዝኸውን ኣርእስቲ ኣብቲ መደብ ተገሊጹ ኣሎ። ንሓደ ሓው ምስ ዝምደብ: ነቶም ኣብ ኣደራሽ መንግስቲ ዘለዉ ሰማዕቲ ኣብ ግምት ብምእታው ብመልክዕ ዝርርብ ክወሃብ ይግባእ። ንሓንቲ ሓብቲ ምስ ዝዋሃብ ድማ: እቲ ኽፍሊ በቲ ኣብ ክፍሊ ቍ. 3 ዘሎ መልክዕ ክቐርብ ኣለዎ።

*ተወሳኺ መደብ ንባብ መጽሓፍ ቅዱስ:- እዚ ንነፍሲ ወከፍ ሰሙን ዝኸውን ንባብ ኣብ ሓጹር ኰይኑ ድሕሪ ናይ መዝሙር ቍጽሪ ተገሊጹ ይርከብ። ነዚ መደብ እዚ ብምስዓብ: ኣብ ሰሙን ዓሰርተ ገጽ ዝኣክል ብምንባብ ንምልእታ መጽሓፍ ቅዱስ ኣብ ሰለስተ ዓመት ምንባብ ይከኣል ኢዩ። እዚ ተወሳኺ መደብ ንባብ መጽሓፍ ቅዱስ: ምስ ናይቲ ቤት ትምህርቲ መደብ ወይ ከኣ ምስ ናይ ጽሑፍ ድግማ ርክብ የብሉን።

ሓበሬታ:- ንምኽሪ: ግዜ: ናይ ጽሑፍ ድግማ ከምኡውን ንኽፍሊ ምድላው ዝምልከት ተወሳኺ ሓበሬታን መምርሕን ንምርካብ በጃኹም ናይ ጥቅምቲ 1996 ናይ መንግስቲ ኣገልግሎትና ኣብ ገጽ 3 ርኣዩ።

መደብ

4 ጥሪ ንባብ መጽሓፍ ቅዱስ:- ራእይ 16-18

መዝሙር ቍ. 23 [*2 ነገስት 16-19]

ቍ. 1:- ኣምላኽ ንመጽሓፍ ቅዱስ ብመሪሕነት መንፈሱ ዘጽሓፈሉ መገዲ (w97 15/6 ገጽ 4-8)

ቍ. 2:- ራእይ 16:1-16

ቍ. 3:- ስድራቤት ኣብ ቅልውላው ኢዩ ዘሎ (fy ገጽ 1-9 ቍ. 1-14)

ቍ. 4:- ነቲ ኣብ ምድሪ ይነብሩ ካብ ዝነበሩ እቲ ዝዓበየ ሰብኣይ ምልላዩ (gt መእ. ሕጡብ ጽሑፍ 1-4)

11 ጥሪ ንባብ መጽሓፍ ቅዱስ:- ራእይ 19-22

መዝሙር ቍ. 126 [*2 ነገስት 20-25]

ቍ. 1:- ራእይ—⁠ስለምንታይ ጠቓሚት (si ገጽ 268-9 ቍ. 28-34)

ቍ. 2:- ራእይ 22:1-15