యెహోవాసాక్షులు సమకూడే స్థలాన్ని చర్చి అని ఎందుకు అనరు?

బైబిల్లో, “చర్చి” అని అనువాదమైన గ్రీకు పదం, ఒక ఆరాధకుల గుంపును సూచిస్తుందే కానీ వాళ్లు సమకూడే భవనాన్ని కాదు.

ఈ ఉదాహరణను గమనించండి: అకుల, ప్రిస్కిల్ల అనే క్రైస్తవ జంటకు అపొస్తలుడైన పౌలు తన క్రైస్తవ ప్రేమను తెలుపుతున్నప్పుడు ఇలా అన్నాడు: “వారి ఇంట ఉన్న చర్చికి వందనములు చెప్పుడి.” (రోమీయులు 16:5, కంటెంపరరీ ఇంగ్లీష్‌ వర్షన్‌) పౌలు తన క్రైస్తవ ప్రేమను తెలపాలనుకున్నది ఒక భవనానికి కాదు, ప్రజలకు అంటే ఆ ఇంట్లో సమకూడే సంఘానికి.a

అందుకే మా ఆరాధనా స్థలాన్ని “చర్చి” అని కాకుండా “రాజ్యమందిరం” అని అంటాం.

“యెహోవాసాక్షుల రాజ్యమందిరం” అని ఎందుకు అంటాం?

ఈ పేరు సరిగ్గా సరిపోతుందని అనడానికి చాలా కారణాలు ఉన్నాయి:

• ఆ భవనం ఒక హాలు (సభా మందిరం), ప్రజలు సమకూడే స్థలం.

• దేవుడని బైబిలు చెబుతున్న యెహోవాను ఆరాధించడానికి, ఆయన గురించి సాక్ష్యమివ్వడానికి మేము సమకూడతాం.—కీర్తన 83:18; యెషయా 43:12.

• యేసు ఎక్కువగా మాట్లాడిన దేవుని రాజ్యం గురించి నేర్చుకోవడానికి కూడా అక్కడ సమకూడతాం.—మత్తయి 6:9, 10; 24:14; లూకా 4:43.

మీకు దగ్గర్లో ఉన్న రాజ్యమందిరాన్ని సందర్శించి, యెహోవాసాక్షులు తమ కూటాలు ఎలా జరుపుకుంటారో స్వయంగా చూడమని మిమ్మల్ని ఆహ్వానిస్తున్నాం.