యెహోవాసాక్షులు వైద్య చికిత్సలు చేయించుకుంటారా?

యెహోవాసాక్షులు తప్పకుండా వైద్య చికిత్సలు చేయించుకుంటారు, మందులు వాడతారు. మేము శరీరం పట్ల శ్రద్ధ తీసుకుంటాం, మంచి ఆరోగ్యాన్ని కాపాడుకోవడానికి కృషి చేస్తాం. అయితే, కొన్నిసార్లు ‘వైద్యుని’ దగ్గరకు కూడా వెళ్తాం. (లూకా 5:31) నిజానికి మొదటి శతాబ్దంలో జీవించిన శిష్యుడైన లూకా లాగానే మాలో కూడా కొంతమంది డాక్టర్లు ఉన్నారు.—కొలొస్సయులు 4:14.

కానీ కొన్నిరకాల వైద్య చికిత్సలు బైబిలు సూత్రాలకు విరుద్ధమైనవి, వాటిని మేము అంగీకరించం. ఉదాహరణకు మేము రక్తమార్పిడులకు ఒప్పుకోం, ఎందుకంటే శరీర పోషణ కోసం రక్తం తీసుకోవడం బైబిలుకు వ్యతిరేకం. (అపొస్తలుల కార్యములు 15:20) అలాగే మంత్రతంత్రాలకు సంబంధించిన వైద్య చికిత్సలను లేదా పద్ధతులను కూడా బైబిలు నిషేధిస్తుంది.—గలతీయులు 5:19-21.

అయితే చాలా రకాలైన వైద్య చికిత్సలు బైబిలు సూత్రాలకు విరుద్ధమైనవి కావు. అందుకే ఈ విషయంలో ప్రతి ఒక్కరూ ఎవరికి వాళ్లే నిర్ణయించుకోవాలి. ఒక యెహోవాసాక్షి ఫలానా వైద్య చికిత్సను అంగీకరించే అవకాశం ఉంది, కానీ అదే చికిత్సను మరో సాక్షి తిరస్కరించే అవకాశం ఉంది.—గలతీయులు 6:5.