ప్రతీ సమస్యకు ఒక ముగింపు ఉంటుంది

సమస్యలు మన ఉత్సాహాన్ని నీరుగారుస్తాయి. ముఖ్యంగా, ఏదైనా సమస్య చాలాకాలంగా వెంటాడుతుంటే ఇంకా ఎక్కువ నిరుత్సాహంగా అనిపిస్తుంది. దావీదు విషయాన్నే తీసుకుంటే, రాజైన సౌలు వల్ల తాను పడుతున్న ఇబ్బందులన్నీ ఏదోకరోజు ముగింపుకు వస్తాయని, యెహోవా మాటిచ్చినట్లు తాను రాజు అవుతానని ఆయనకు తెలుసు. (1స 16:13) దావీదుకు విశ్వాసం ఉండడం వల్ల, యెహోవా చర్య తీసుకునేంత వరకు ఆయన ఓర్పుగా ఎదురుచూశాడు.

మనకు ఏదైనా సమస్య వచ్చినప్పుడు వివేకాన్ని, జ్ఞానాన్ని, ఆలోచనా సామర్థ్యాన్ని ఉపయోగించి దాన్నుండి బయటపడడానికి ప్రయత్నిస్తాం. (1స 21:12-14; సామె 1:4) అయితే, బైబిలు సూత్రాల ప్రకారం మనం చేయగలిగినదంతా చేశాక కూడా కొన్ని సమస్యలు వెంటాడుతూనే ఉంటాయి. అలాంటప్పుడే మనం యెహోవా చర్య తీసుకునేంతవరకు ఓపిగ్గా ఎదురుచూడాలి. అతి త్వరలో ఆయన మన సమస్యలన్నిటినీ ముగింపుకు తెస్తాడు, “ప్రతి కన్నీటి బొట్టు తుడిచేస్తాడు.” (ప్రక 21:4) మన సమస్యకు పరిష్కారం యెహోవా వల్ల దొరికినా లేదా వేరే కారణం వల్ల దొరికినా ఒకటి మాత్రం వాస్తవం, ప్రతీ సమస్యకు ఒక ముగింపు ఉంటుంది. ఇది ఊరటను ఇచ్చే విషయం కదా!

ఐక్యతలేని లోకంలో కలిసివున్న ప్రజలు వీడియో చూడండి, తర్వాత ఈ ప్రశ్నలకు జవాబు చెప్పండి:

• అమెరికా దక్షిణ రాష్ట్రాల్లో ఉన్న కొంతమంది క్రైస్తవులు ఎలాంటి సమస్యలు ఎదుర్కొన్నారు?

• వాళ్లు ఓర్పును, ప్రేమను ఎలా చూపించారు?

• వాళ్లు ‘ఎక్కువ ప్రాముఖ్యమైన’ వాటిమీద ఎలా మనసుపెట్టారు?—ఫిలి 1:10