“నేనున్నాను నన్ను” పంపించు

యెషయా చూపించిన సిద్ధమైన మనస్సు మనకు మంచి ఆదర్శం. ఆయన విశ్వాసాన్ని చూపించి, అవసరం ఉందని తెలిసినప్పుడు పూర్తి వివరాలు తెలియకపోయినా వెంటనే ముందుకొచ్చాడు. (యెష 6:8) రాజ్య ప్రచారకుల అవసరం ఎక్కువగా ఉన్న దగ్గరకు వెళ్లడానికి మీరు కూడా మీ పరిస్థితుల్ని సర్దుబాటు చేసుకోగలరా? (కీర్త 110:3) కానీ అలా వెళ్లేముందు “లెక్క” చూసుకోవాల్సిన అవసరం కూడా ఉంది. (లూకా 14:27, 28) అయినా పరిచర్య కోసం త్యాగాలు చేయడానికి సిద్ధంగా ఉండండి. (మత్త 8:20; మార్కు 10:28-30) అవసరం ఎక్కువ ఉన్న చోటకు వెళ్లండి అనే వీడియోలో చూపించినట్లుగా యెహోవా సేవ చేయడం వల్ల వచ్చే ఆశీర్వాదాలు మనం చేసిన త్యాగాలను మించి ఉంటాయి.

వీడియో చూసిన తర్వాత, ఈ ప్రశ్నలకు జవాబులు చెప్పండి:

• ఈక్వెడార్‌లో సేవ చేయడానికి విలియమ్జ్‌ కుటుంబంలో ప్రతి ఒక్కరు ఏ త్యాగాలు చేశారు?

• సేవ చేయడానికి ముందు వాళ్లు ఏ విషయాల గురించి ఆలోచించారు?

• వాళ్లు ఏ ఆశీర్వాదాలు పొందారు?

• అవసరం ఎక్కువగా ఉన్న చోట పని చేయడానికి సంబంధించిన సమాచారం ఎక్కడ దొరుకుతుంది?

ఈసారి మీరు కుటుంబ ఆరాధన చేస్తున్నప్పుడు ఈ ప్రశ్నల గురించి మాట్లాడుకోండి:

• కుటుంబంగా ఎలా మన పరిచర్యను ఎక్కువగా చేసుకోవచ్చు? (km 8/11 4-6)

• అవసరం ఎక్కువగా ఉన్న చోట సేవ చేయలేకపోయినా మనం ఉన్న సంఘంలో ఏయే విధాలుగా సేవ చేయవచ్చు? (w16.03 23-25)