‘ఆమె పెనిమిటి గవినియొద్ద పేరుగొనినవాడై యుండును’

గుణవతియైన భార్య భర్తకు మంచిపేరు తీసుకొస్తుంది. రాజైన లెమూయేలు రోజుల్లో గుణవతియైన భార్య ఉన్న భర్తకు ఊరి “గవినియొద్ద” మంచి పేరు ఉండేది. (సామె 31:23) ఈ రోజుల్లో మంచి పేరున్న పురుషులు పెద్దలుగా, సంఘ పరిచారకులుగా సేవచేస్తున్నారు. పెళ్లైన వాళ్లైతే, వాళ్ల సేవాసామర్థ్యాలు ఎక్కువగా భార్యల మంచి ప్రవర్తన, వాళ్లు ఇచ్చే మద్దతుపై ఆధారపడి ఉంటాయి. (1 తిమో 3:​4, 11) అలాంటి గుణవతులైన భార్యలను భర్తలే కాదు సంఘంలో వాళ్లు కూడా ఎంతో మెచ్చుకుంటారు.

గుణవతియైన భార్య భర్త చేసే సేవలో ఇలా సహకరిస్తుంది . . .

• దయగల మాటలతో ఆయన్ని ప్రోత్సహిస్తుంది.—సామె 31:⁠26

• సంఘ పనులు చేసుకునేలా ఇష్టంగా మద్దతిస్తుంది.—1 థెస్స 2:​7, 8

• ఉన్నంతలో సంతృప్తిగా జీవిస్తుంది.—1 తిమో 6:​7, 8

• రహస్యంగా ఉంచాల్సిన సంఘ విషయాల గురించి భర్తను అడగదు.—1 తిమో 2:​11, 12; 1 పేతు 4:⁠15